Жумуш ордуңузда иштеп жатканда кээде эмгек өргүүнү эстеп, ысык өлкөлөргө,деңиз жээгине же болбосо тарыхый жерлерге саякаттап эс алууну эңсеп каласыз. Эгерде сиздин эмгек өргүүгө чыгуу убагыңыз жай мезгилине пландалып жаткан болсо, анда төмөндөгү 6 мамлекеттин ичинен кайсынысы сизге жайкысын ыңгайлуу жана жайкысын барууга сунушталбоочу мамлекеттерди талдап көрөлү.
1.БАЭ жана Болгария
БАЭ,Дубай
Жайкысын Араб Эмираттарында аба-ырайы +50 градуска чейин көтөрүлүп, ысык болгон аба-ырайы сизге ыңгайсыздык жаратуусу мүмкүн. Ошондуктан эс алууга бул багытты тандап, келүүгө жылдын күз мезгилинин ортосунан жаз мезгилинин ортолорундагы убакытта саякаттоо сунушталат.
Болгария
Ошол эле учурда Дубайга-Болгариянын эс алуучу зоналары альтернатива боло алат жана сизге унутулгус сезимдерди тартуулайт. Жайкысын таза абасы,розалар өрөөнүндөгү роза, лаванда гүлдөрүнүн жыпар жыты ден-соолукка пайдалуу.
2.Иордания жана Кипр
Иордания
Тарыхый эстеликтерге бай болгон жерлерге барууну жайкы эс алуу учурунда пландап жаткан болсоңуз Иордания сунушталбайт. Себеби жай мезгилинин июнь-август айларында аба-ырайынын температурасы +45 градустан жогору болуп, кан басымдын көтөрүлүсүүнө алып келүүсү мүмкүн. Ошондуктан дүйнө жузүнө таанымал болгон аскага курулган Петра шаарын көргүңүз келип жатса күз мезгилинин октябрь айынын ортосу-ноябрь айынын аягына чейин саякаттоо сунушталат. Кышындасы күн жылуу болуп, аба-ырайынын температурасы +20, +22 градуска чейин көтөрүлөт.
Кипр
Деңиз жээгинде жайгашкан тарыхый Кирений сепили менен белгилүү болгон-Кипр, Иорданиядагы тарыхый жайларга татыктуу альтернатива боло алат. Анын сулуулугуна суктануу менен бирге эле тарыхый музейлерин көрүп, пайдалуу эс аласыз.
3.Индия жана Индонезия
Индия
Падышанын түбөлүк сүйүүсүн даңазалаган Таж-Махал мечитин баары эле көрүүнү тилек кылса керек. Жайкы эс алууга чыгып бул жактарга барууну пландасаңыз анда жагымсыз сюрпризге даяр болуңуз. Себеби, жай мезгилинин июль айынан август айынын аягына чейин созулган нөшөрлөп жааган жамгыр ыңгайсздык жаратат. Ошондуктан күз мезгилинин аягында же кышындасы баруу туура болот.
Индонезия
Индонезия дегенде эле, баарына белгилүү болгон Бали аралы эске түшөт. Негизи Индонезиянын саякаттоого ылайыктуу болгон көп жерлери бар. Храмдар жана тропикалык токойлор, андагы жандыктар сиздин жайкы эс алууңузду көркөмдөйт.
Ошентип урматтуу окурман, Сиз кыялыңызда азыр жайкы эс алууну пландап жаткан болсоңуз ушул мамлекеттер жай мезгилиндеги эмгек өргүүңуздү унутулгус сезимдерге бөлөп, жакшы маанай тартуулайт.