Italiya hukumati koronavirus epidemiyasi munosabati bilan mamlakatdagi barcha maktablar va universitetlarni yopishga qaror qildi: o'quvchilar va talabalar 5-15 mart kunlari ta'tilda bo'ladi.
«Bu qarorni qabul qilish oson bo'lmadi», – dedi Italiya ta'lim vaziri Luchiya Adzolina kecha Rimda o'tkazilgan matbuot anjumanida.
Iqtisodiyot vaziri o'rinbosari Laura Kastellining so'zlariga ko'ra, bevaqt ta'til munosabati bilan voyaga yetmagan farzandiga qarashi uchun ishlaydigan ota-onalardan biriga uyda qolishiga ruxsat berilishi mumkin.
Hukumat maktablar va universitetlarning yopilishidan maqsad virus tarqalishini sekinlashtirish ekanini aytmoqda. “Sog'liqni saqlash tizimi qanchalik samarali va yaxshi bo'lmasin, unga oriqcha yuk tushishi ehtimoli bor”, – dedi Vazirlar kengashi raisi Juzeppe Konte.
Ayni paytda Italiya koronavirus tarqalishi bo'yicha Yevropa Ittifoqida birinchi, dunyoda uchinchi o'rinda turibdi. 4 martdagi ma'lumotga ko'ra, bu yerda 3089 kishida COVID-19 aniqlangan, bemorlardan 107 nafari vafot etgan.