So'nggi ma'lumotlarga qaraganda, kecha 3 martdan 4 martga o'tar kechasi Idlibdagi Sarakib shahrida faoliyat yuritayotgan Rossiya harbiy politsiyasi askarlari turk artilleriyasi tarafidan o'qqa tutilgan. Turkiya mudofaa vazirligidagilarning aytishicha, ular Rossiya tarafini tunda Sarakibga artilleriya zarbalari yo'llanishi haqida ogohlantirgan. Ammo harbiy politsiya askarlari shahardan chiqib ketmay turib hujumlarni boshlashgan. Natijada ruslar artilleriya zarbalari ostida qolgan.
Agar ushbu hujumlar rasman tasdiqlansa, shu yil 5 mart kuni Rossiya va Turkiya rahbari o'rtasida kechishi rejalashtirilgan muzokaralar bo'lib o'tishi shubha ostida qolishi mumkin. Harbiy ekspertlar aynan shu masalaga e'tibor qaratishgan.
Hozirda turk qo'shinlari dunyoda faoliyati taqiqlangan «Xayyat Tahrir ash-Sham», «Jebxat Fatx ash-Sham» va «Ozod etish milliy fronti» jangarilari bilan birgalikda Sarakibni Suriya qo'shinlaridan tortib olish harakatida hujumlar tashkil etmoqda.