Мабодо, сиз ўзингизни ёки бошқалар руҳиятингизни ноодатий, ғалати деб ҳисоблайдими ?
Эҳтимол, кимдир сизни бошқаларга ўхшамайсан дер. Бунга умуман эътибор берманг. Шу жойига Черчилнинг гаплари эсимга тушиб кетди: «Ҳар қандай, сени манзилинга йўлланган гап. Сени Ўз фикрингдан қайтармаслиги керак» деганди.
Тўғрисиям шу ! Нега энди 1-2 кишини фикри деб мақола ёзишни тўхтатишинг керак ?! Нега энди, Ўзбек бўлганлигинг учун Rammstein , Night Wish ёки Linkin Park эшитмаслигинг керак, Француз тилида сўзлашишга ёки Инглизча сўкинишга қизиқмаслигинг керак ! Ёки ота-бобаларинг беданавоз бўлмагани учун уйингда бедана боқмаслигинг керак ! Нима бўлганда ҳам инсон Ўз хохиш иродасига кўра иш тутиш керак. Айнан ўша, ўзига хослик Сизни бошқалар орасида ажралиб туришингизга хизмат қилади. Сизларга маслаҳатим бошқаларга ўхшаманг, ғайриоддий бўлинг чунки ноодатий қилиқлар, дунёга машҳур таниқли кишиларда ҳам учраб туради. Қуйида, дунёга машҳур шахсларнинг ғайриоддий қилиқлари ҳақида қисқача ёзиб ўтишга қарор қилдим.
Иван Крилов
Энг машҳур масалчилардан бири Иван, оловни томоша қилишни яхши кўрган. Миш-мишларга қараганда, шаҳарда биронта ҳам ёнган уйни кўрмасдан ўтказиб юбормаган.
Людвиг Ван Бетховен
Бастакор ҳар сафар қаҳва тайёрлатганда доимо 64 дона қаҳва донаси солишни талаб қилган. Айтишларича 64 донадан кўп ҳам оз ҳам бўлиши мумкин бўлмаган.
Пифагор
Қадимги юнон файласуфи ловияни ёқтирмасди. У нафақат уларни емаган, балки уларга ҳам тегинмаган ва ҳатто ўқувчиларига таъқиқ қўйган.
Aнтон Чехов
Дунё адабиётининг классикаси намоёндаси бўлмиш Чехов тахаллусларни ёқтирарди, ўзининг камида 50 та тахаллуси бўлган. Шунингдек, одамларга лақаб қўйишни яхши кўрар эди, шу қилиғини орқали баъзи одамларни ғазабини қўзғаган.
Оноре де Балзак
Европа адабиётида реализм асосчиларидан бири, бўлмиш Оноре де Бальзак сут ва шакарсиз кунига 50 чашка кофе истеъмол қилган. Йиллар ўтиб кофе тетиклаштириши пасайганда, ёзувчи қаҳва меваси доналарини чайнашни бошлаган.
Чарлз Диккенс
У сочларига жуда ҳам эътибори қаттиқ бўлган. Миш-мишларга кўра, ёзувчи сочларини кунига минг мартагача тўғрилар экан. Диккенс ҳар доим иш вақтида кўзгулар билан ўралган жойда ишлашни афзал кўрган.
Никола Тесла
Электрнинг отаси. У жуда ҳам микроблардан қўрқарди. Қўлларини тез-тез ювгани сабабли, меҳмонхоналарда кунига 18 тагача сочиқни талаб қилиши мумкин эди. Яна бир қизиқарли жиҳатлари шундаки Никола Тесла аёллар сирғаларини жуда ёмон кўрар, овқатланганда эса овқат ва истеъмол қилинган суюқлик миқдорини ҳисоблаб чиқарди. Миясини қўзғалувчанлигини янада ошириш учун оёқ бармоқларимни юз мартагача букиб ёзган. Ишга иштиёқ кучайган пайтлари у кунига 2 соатдан ухлаган холос.
Aрхип Куинджи
Рассом қушларни жуда яхши кўрарди. У уйларнинг томида узоқ вақт қушлар билан ўтириб суҳбатлашишга сарфлаган. У ҳар куни улар учун жўхори донлари ва француз булочкалари сотиб олиб қушларни боқиб юрган.
Генри Форд
Саноатчи ва ихтирочи эрталаб боғда ўсадиган ўт билан сендвич ейишни хуш кўрган. Ҳатто кечки овқат учун ҳам кўкат қўшилган салатни канда қилмаган.
Трумен Капоте
Aгар самолёт бортида иккита роҳиба аёл бўлса, у учишни рад этар эди.
Марк Твен
Марк ҳаётини тамакисиз тасаввур қила олмаган. У кунига қирқ дона сигарет чекиши мумкин эди. Твеннинг офисида тамаки тутуни жуда кўп чекилганлиги туфайли хонага кирганда ёзувчини кўриш ҳам муаммо бўлган.
Ги де Мопассан
Ёзувчи Эйфел минорасини шунчалик ёмон кўрдики, у диққатга сазовор жойлар жойлашган ресторанда тушлик қилишни афзал кўрган. Оффициантларни «Нега доим бизнинг Ресторанда овқатланасиз?» деган саволига Мопассан: Бу Париждаги Эйфел минораси кўринмайдиган, ягона жой дер экан.
Дмитрий Менделеев
Буюк олим чамадо ясовчи уста бўлган. Унинг маҳсулотлари доимо юқори баҳоланган, шунинг учун Менделеев уларни сотиш билан ҳам шуғулланган. Дмитрий Иванович севимли машғулотини шунчалик яхши кўрганки, ёши туфайли кўриш қобилиятини йўқотганда ҳам, чамадонлар ясашни давом эттирган.
#факт
@royal_opera_blog©