Yaqinda Toshkent shahar Sirg'ali tuman ichki ishlar bo'limiga 56 yoshli Nag'ima O. degan ayol shikoyat arizasi bilan murojaat etdi. Arizada ko'rsatilishicha, 2019 yil 2 dekabr kuni u yashaydigan uyga bir notanish ayol kirib kelgan va o'zini folbin deb tanishtirgan. Aytganki, uning uyi va to'ng'ich o'g'liga kimdir «ilmi-amal» qilgan. Agar bu amalni yechmasa, o'g'lining holi xarob bo'ladi. Uyi xonavayron bo'ladi. Folbin ayol «ilmi-amal»ni yecha olishini qistirib o'tgan. Xizmati uchun 1500 dollar pul, narxi 1300 dollarga teng qimmatbaho taqinchoqlarni olgan. Undan keyin izsiz g'oyib bo'lgan.
Surishtiruvlar natijasida firibgarning kimligi aniqlandi va uni qo'lga olishdi. Folbin Qashqadaryo viloyatida istiqomat qiluvchi 32 yoshli Manzura B. ekan.
Hozirda ushbu fakt yuzasidan jinoyat ishi ochilgan. Tergov harakatlari davom etmoqda.