Աշխարհի ամենահզոր մարդիկ:
Անկախ նրանից, թե որքանով վստահելի են ձեր հարաբերությունները մայրիկի և հայրիկի հետ, նրանք ձեզանից, այնուամենայնիվ, ինչ-որ բան թաքցրել են:
Ցանկանո՞ւմ եք իմանալ, թե ինչ:
Ահա 9 գաղտնիք.
1. Նրանք անթիվ անգամներ արցունք են թափել ձեր պատճառով
Նրանք արտասվում էին, երբ դու ծնվեցիր: Նրանք արտասվում էին, երբ դու առաջին քայլերն արեցիր:
Նրանք արտասվում էին, երբ ասացիր առաջին բառը, երբ առաջին ելույթ ունեցար դպրոցական բեմում, առաջին անգամ դաշնամուր նվագեցիր, ավարտեցիր դպրոցը և ինստիտուտը...
Ծնողները միշտ հպարտ կլինեն ձեր յուրաքանչյուր ձեռքբերմամբ:
2. Նրանք այնպիսի զոհողությունների են գնացել, որոնց մասին դուք անգամ պատկերացում չունեք
Բոլոր ծնողները հսկայական զոհաբերություններ են անում իրենց երեխաների համար, և ձերն էլ բացառություն չէ: Երբ դուք շատ փոքր էիք, նրանք չէին կարող իրենց թույլ տալ երեկույթների գնալ կամ նույնիսկ բավականաչափ քնել:
Երբ մեծացաք, նրանց բոլոր արձակուրդները, կարիերան և կյանքի նպատակները նրանց համար դարձան երկրորդական, քանի որ առաջնահերթը դուք եք: Պատահել է նաև, որ նրանք ձեզ տվել են վերջին կտորը, չնայած իրենք ուզում էին այն ուտել:
Ամենայն հավանականությամբ, նրանք երբեք չեն բողոքել:
3. Նրանք անընդհատ անհանգստանում են ձեզ համար:
Ծնողները անհանգստանալու վարպետներ են:
Բայց հետևել, որ դուք մեծանաք հաջողակ մարդ՝ նրանց խնդիրն էր: Դուք էլ նրանց տեղում լինեիք՝ դուք էլ կանհանգստանայիք: Հուսանք, որ ձեր ծնողները սովորեցրել են ձեզ, թե ինչպես վարվել անհանգստությունների հետ:
4. Դուք նրանց ցավեցրել եք, բայց նրանք միևնույնն է սիրել են ձեզ
Մոր և երեխայի միջև միշտ կա հատուկ կապ, քանի որ մայրը ստիպված է եղել այդքան բանի դիմանալ: