О великие Христовы угодницы и чудотворцы Пантелеимоне, Космо и Дамиане, Кире и Иоанне, Фотие и Аникито! Услышите нас, вам молящихся ( имена ). Вы весте наши скорби и недуги, слышите воздыхания множества к вам притекающих. Сего ради к вам, яко скорым помощникам и теплым молитвенникам нашим, зовем: не оставляйте нас вашим у Бога ходатайством. Мы присно заблуждаем от пути спасения, руководите нас, милостивые наставницы. Мы немощны есмы в вере, утвердите нас, правоверия учители.
Мы зело убози сотворихомся добрых дел, обогатите нас, благосердия сокровища. Мы присно наветуемы есмы от враг видимых и невидимых и озлобляеми, помозите нам, безпомощных заступницы. Гнев праведный, движимый на ны за беззакония наша, отвратите от нас вашим ходатайством у престола Судий Бога, Емуже вы предстоите на небеси, святые праведницы. Услышите, молим вас, велиции Христовы угодницы, вас с верою призывающия, и испросите молитвами вашими у Отца Небеснаго всем нам прощение грехов наших и от бед избавление.
Вы бо помощницы, заступницы и молитвенницы, и о вас славу возсылаем Отцу и Сыну и Святому Духу, ныне и присно и во веки веков. Аминь.
ДОБРОГО ВАМ ЗДРАВИЯ, ДОЛГОЛЕТИЯ И БЛАГОПОЛУЧИЯ !!!
