Kimnidir qiynalayotganini ko'rib hech qachon achinmang, rahmingiz kelmasin.
Sizdan yordam so'rashsa (agar yordam bergingiz kelsa) yordam bering, lekin achinmasdan, rahmingiz kelmasdan. Sababi Xudo bizga qiyinchiliklarni shunchaki yubormaydi, bu qiyinchilikni bir dars sifatida yuboradi va siz bandasiga rahm qilib Xudoning irodasiga qarshi chiqgan bo'lasiz. Xudo har qanday qiyinchilikni bandasiga bir dars sifatida, o'sib, rivojlanishi uchun yuborgan ekan, darsni yaxshi o'zlashtirib va u inson bu dars unga nima uchun berilganini anglab, hayotga nazarini o'zgartirishi bilan bu qiyinchilik uni tark etadi.
Umuman olganda, har qanday qiyinchilik ham, xursandchilik ham bu u insonning o'y-hayollari, fikrlari natijasidir. Bu siz-u bizga ma’lum bo’lgan TORTISHISH QONUNIdir. Har qanday qiyinchilikni inson o'ziga o'zi anglamagan holda tortib oladi. Va o'sha qiynalayotgan vaqti u, aslida, mazza qilayotgan bo'ladi, qiynalish qachon joniga tegsa o'zgartiradi! Siz unga dars olishida xalaqit berib qo'ymang, yo'qsa o'zingiz shu darsdan o'tishingizga to'g'ri keladi.
Yana bir hayot haqiqati borki, uni rad etib bo’lmaydi. Haqiqatdan ham qiynalayotgan inson hech qachon o’z dardini dasturxon qilmaydi. O’zining azoblarini boshqalardan iloji boricha yashiradi.
“Vaqti zamonida non ololmaganman. Non 700 so’m, kissamda esa 500 so’m bor. 200 so’m pulim bo’lmagani uchun necha kun non yemaganman. Lekin biron kishiga och yuribman demaganman. Shunchaki, bir necha kun oylik olishimni kutganman. Hozir o’sha kunlarimga nazar tashlasam, bir narsani aniq eslayman: Men bu qiyinchiliklar ketib, farovon kunlar kelishishiga ishonganman. Va albatta, o’sha vaqti qiynalmaganimda, hozirgi kunlarimning qadriga yetmagan bo’lar edim. Ollohimga shukronalar bo’lsinki, o’zi menga qiyinchiliklarni yengib o’tishimga yordam berdi, sabr berdi, kuch va iroda berdi”-deb eslaydi bir tanishim. U bu haqida hayoti har tomonlama yaxshilangandan so’ng kulib aytib berdi.
Xulosa qilishni o’zingizga qoldiraman, aziz o’quvchim.
Maqolamiz yoqqan bo'lsa layk tugmachasini bosing va do'stlaringizga ham ulashing. Obuna bo'lishni unutmang.