Мондый чакларда һич уйламаган нәрсәләр дә ярдәмгә килә ала икән.
Кишер, петрушка, укроп, сельдерей орлыклары, гадәттә, начар чыга. Алар тиз шытып чыксын, дисәгез, орлыкларны... аракыга салып тотыгыз.
Моның өчен марля капчыкка салынган орлыкларны 15 минутка аракыга салыгыз. Артык озак тотарга ярамый. Аннан соң капчыктагы орлыкларны агып торган су белән яхшылап чайкатыгыз һәм киптерегез.
Орлыкларны, гадәттәгечә, түтәлләргә утырталар. Алар әлеге процедурадан соң 1-2 көндә шытып та чыга.
Автор: Зөлфия Фәтхетдинова