Aftidan, baxt uchun yana nima kerak? Salbiy fikrlardan voz kechib, har soniyada zavqlanib yashashning o’zi kifoya. Aslida, bu eng katta qiyinchilik. Fikrlaringizni boshqarish juda qiyin. Ammo siz so'zlaringizni boshqarishdan boshlashingiz mumkin, chunki ular sizning fikrlaringiz shakllantirish uchun muhim o’rin tutadi.. Lug'atingizdagi kichik o'zgarishlar ham hayotingizni sezilarli darajada osonlashtirishi mumkin.
"Ilojim yo'q yoki qila olmayman"
Siz bu so'zlarni necha marta aytdingiz, garchi ular haqiqat bo'lmasa ham. "Men endi yurolmayman, endi yozolmayman, boshqa bu inson bilan gaplasha olmayman..." og'zingizdan chiqib ketdi, ammo hech narsaga qaramay, siz buni haligacha davom ettirasiz.
"Men qila olmayman" so'zlari qalbingizdagi "men xohlamayman" so'zlaridir, aslida. Rivojlaning, o’z ustingizda ishlang va o’shanda siz yuksalasiz, hamda nimalarga qodir ekanligingizni his qilasiz. Siz hammasini qila olasiz. Hozircha esa, "Men yoza olmayapman" so'zining o'rniga, "Men hali katta yozuvchi emasman" deb ayting.
“Hech qachon”
Ko’pchilik odamlar: "Men hech qachon qo'shiq aytishni o'rgana olmayman!" - deb shikoyat qilishadi karaoke baridan chiqa turib. Agar bugun qalbingizdan otilib chiqayotgan ovoz uchun qo’shnilaringiz o’zini otib tashlashga rozi bo’lsa ham, xafa bo'lmang. Bu faqatgina bugungi holat. Siz kundan kunga bilim va ko’nikmalaringizni oshirib borsangiz, ertaga bugungidan yaxshi bo’ladi. Shuning uchun, "hech qachon" o'rniga, "ertaga bundanda yaxshiroq bo’ladi!"-deb aytish foydalidir.
"Mumkin emas"
"Men mashhur sportchi bo'lolmayman! Bu mumkin emas! Men juda ahmoqman! "- kabi iboralarni talaffuz qilmang. Imkonsiz ishning o’zi yo’q! 1998 yilda nogiron kishi dunyodagi eng baland cho'qqini - Everestni zabt etdi. Har kimning hayotida imkonsiz narsa bir kun kelib ro'y berishi mumkin, buning uchun vaqt, kuch va sabr kerak. Xo'sh, endi: "Agar bunga etarli vaqt va kuchimni bag'ishlasam, professional sportchi bo'lishim mumkinmi?"-deya o’zingizga savol bering.
"Boshqa tanlov yoki ilojim yo’q"
"Menda boshqa tanlov yo'q, bayram kechasiga borishdan oldin shu ishni tugatishim kerak, menda boshqa tanlovim yo'q, " Bu yolg'on. Har doim tanlov bor. Siz uchun nima muhimroq: ishmi yoki bayram kechasi? Bu sizning tanlovingiz! Hech kim sizni hisobotlarga o'tirishga majburlamaydi. Siz o'zingiz vaziyatni tahlil qilasiz, oqibatlarini oldindan bilasiz, mumkin bo'lgan stsenariylarni taqqoslaysiz va unga tayanib, qaror qabul qilasiz. Shuning uchun, bunday vaziyatda: "Avval ishni oxiriga etkazish oqilona bo'ladi va shundan keyingina bayram kechasiga boraman"-deyish to’g’riroq bo’lar edi.
"O'ldiraman"
Darhaqiqat, deyarli har bir odam hayotida kamida bir marta hazil tariqasida bo’lsa ham, kimdirni o'ldirish bilan tahdid qilgan. "Agar u yana eshikni qattiq yopsa, men uni o'ldiraman!" yoki "Agar ularning iti bizning mushukimizni yana quvsa, men uni o'ldiraman!" yoki "Agar sen meni yana semiz deb atasang, men seni o'ldiraman!"
Bu so'zlar hissiyotga to'lib, tilimizdan osongina chiqib ketadi. Biz ularni asl ma'nosi haqida o'ylamasdan talaffuz qilamiz. Bu biz insonlar uchun alam, xafagarchilik va g'azabni ifodalashning yana bir usulidir. Ammo, nima uchun, o'zimizni qo’lga olib: "Naqt bir soatga kechikding endi seni o'ldiraman",- so'zining o'rniga: "Tushungin, seni uchrashuvlarga kechikib kelishing, meni qattiq xafa qiladi", demaymiz? Ehtimol, bu suhbatdoshimizga ko'proq ta'sir qiladi.
"Kerak"
"U hammadan qarzdor!" yoki “Kimdir qaysidir ishni qilishi kerak! ” degan iborani siz ham eshitgan bo'lsangiz kerak. Qoida bo’yichaa, bu gapning tagida hech qanday yaxshi ma’no yo’q. "Kerak" holati, xuddi so'z kabi, salbiy energiyaga ega. Siz o'zingiz uchun bir narsani aniq aytishingiz kerak! Siz hech kimdan hech narsa uchun qarzdor emassiz! Agar biror ish qilayotgan bo’lsangiz, demak, shu ishni qilishni xohlaysiz. "Men do'konga borishim kerak" deyishning o'rniga, "Do'konga oziq-ovqat uchun borishni xohlayman" deb ayting.