9 студзеня ў Палацы Рэспублікі ў Мінску адбылася святочная цырымонія ўручэння прэміі «За духоўнае адраджэнне».
Заслужаны аматарскі калектыў Беларусі сімфанічны аркестр Маладзечанскага дзяржаўнага музычнага каледжа імя М.-К. Агінскага сярод тых, каму прысудзілі спецыяльную прэмію Прэзідэнта Рэспублікі Беларусь. У прысутнасці двух с паловай тысяч чалавек узнагароду з рук кіраўніка дзяржавы атрымаў мастацкі кіраўнік аркестра Рыгор Сарока.
Паміж рэпетыцыямі цырымоніі знакаміты маладзечанец знайшоў час і пагутарыў з kraj.by. У размове з карэспандэнтам ён падзяліўся эмоцыямі і расказаў, чаму ставіцца да гэтай прэміі як да вялікай перамогі калектыву.
– Па-першае, гэта вялікі гонар: мы першы сімфанічны аркестр, які ўзнагародзяць за ўвесь перыяд існавання прэміі «За духоўнае адраджэнне». Уявіце сабе! Са 180 прэтэндэнтаў мы патрапілі ў лік 15 лаўрэатаў. Па-другое, гэта таксама вялікі гонар і для Маладзечна, – упэўнены суразмоўца. – Мы адзіныя з Мінскай вобласці, каго ўзнагародзяць прэміяй.
Па словах Рыгора Сарокі, калектыў аркестра ўспрыняў навіну пра высокую ўзнагароду з гонарам. Ёй папярэднічала вялікая праца. Усе вельмі шчаслівыя, дадаў ён. На пытанне, як аркестр будзе святкаваць падзею, кіраўнік адказаў:
– Атрымаем прэмію і, хутчэй за ўсё, калі там будзе прадпісанне, што можна прэміраваць удзельнікаў, мы нашых людзей узнагародзім. Інструменты, касцюмы – гэта ўсё ў нас ёсць дзякуючы клопатам Мінаблвыканкама. Таму, безумоўна, я бы хацеў аддаць гэтую прэмію людзям.
Кацярына СУШКО
Фотаздымак з архіва kraj.by