⚡️🇺🇸 АҚШ президенти Доналд Трампнинг ҳарбий ваколатлари чекланиши мумкин
Сенатор-демократлар эронлик генерал Сулаймонийни ўлдириш операциясининг муҳимлигини асословчи далиллар тақдим этилмагани учун Трамп маъмуриятини айбламоқда.
Шу боис бугун Вакиллар палатаси Президентнинг ҳарбий ваколатларини чеклаш бўйича резолюция қабул қилиш масаласини муҳокама қилади.
🇨🇳🇷🇺 Хитой Яқин Шарқдаги вазиятни мувозанатлаштириш мақсадида Россия билан стратегик ҳамкорликни кучайтиради
Бу ҳақда Хитой Ташқи ишлар вазири вакили Гэн Шуан маълум қилди.
Унинг сўзларига кўра, халқаро ва минтақавий масалаларда Хитой ҳамда Россия позициялари жуда яқин ва ўхшаш.
🇻🇦🇮🇷🇺🇸 Рим папаси Эрон ва АҚШ ўртасидаги низога муносабат билдирди
— Эрон ва АҚШ орасидаги вазиятнинг кескинлашуви натижасида Яқин Шарқдан келаётган хатарли «сигнал»лар хавотир уйғотмоқда. Бундай ҳолатлар аста-секинлик билан тикланиш жараёнини бошидан кечираётган Ироқни яна қайта оғир синовлар гирдобига ташлаши мумкин.
⚡️🇮🇷 Эрон "Инқилоб посбонлари" Гвардиясининг генерали Амир Али Ҳожизода ракета зарбалари Америка қўшинини йўқ қилиш учун эмас, шунчаки АҚШ ҳарбий техникаларига зарар етказиш учун амалга оширилганини маълум қилди.
Аввалроқ Эрон Миллий Хавфсизлик Олий Кенгаши америкаликлардан қасос олишнинг 13 сценарийси муҳокама қилинаётгани, агар улардан энг "заифи" қабул қилинса ҳам, бу Қўшма Штатлар учун даҳшатга айланиши ҳақида баёнот берган эди...
⚡️🇺🇿 Ўзбекистон ҳудудида АҚШ ҳарбий базалари йўқ
Интернетда Эронга ёндош мамлакатлар ҳудудларида АҚШ ҳарбий базалари мавжудлиги акс этган суратлар эълон қилинмоқда.
Хусусан, АҚШ ҳарбий базалари жойлаштирилган, дея тарқатилаётган хариталарда Ўзбекистоннинг Чирчиқ ва Хонобод ҳудудлари ҳам кўрсатилган.
Маълум бўлишича, нафақат АҚШнинг, бошқа бирор хорижий давлатларнинг ҳарбий базалари республикамиз ҳудудида жойлаштирилмаган.
Бу ҳақда Ўзбекистон Республикаси Мудофаа вазирлиги маълум қилди.
🇮🇷🇫🇷 Эрон яқин икки йилда ядро бомбаси эгаси бўлиши мумкин - Франция ТИВ
"Агар улар Вена шартомаси бандларини рад этишда давом этишса, унда ҳақиқатан, жуда қисқа вақт: бир-икки йил ичида тақиқланган ядро қуролини олишга муваффақ бўлишади", - деди Франция ТИВ раҳбари Жан-Ив Ле Дриан.
🇺🇿🇮🇷🇺🇸
Ўзбекистонда Марказий Осиёга бевосита туташ Яқин Шарқда юз бераётган воқеалар алоҳида ташвиш билан қарши олинмоқда.
Ҳарбий-сиёсий ҳолатнинг янада кескинлашиши кўплаб инсонлар қурбон бўлишига ва кенг кўламли гуманитар фалокатга олиб келиши мумкин, ҳаётий муҳим иқтисодий алоқалар ва коммуникация йўлларини вайрон қилади, минтақавий ва глобал хавфсизликка тузатиб бўлмас зарар етказади.
Ўзбекистон томони ўта босиқлик тарафдори бўлиб, тарангликни камайтириш ва минтақадаги вазиятни мўътадиллаштириш учун қарама қарши томонларни сиёсий-дипломатик чоралар кўришга чақиради.