Katta kompaniyalarning marketologlari reklamalarni har tarafda puxta o'ylab, qanday qilib bo'lsa ham effektiv qilishga intiladi. Chunki har bir qilingan xato millionlab, hattoki milliardlab dollar zarar keltirishi mumkin.
Quyida, inobatga olinmagan kichik xatolar orqali kelgan zararlarga misollar keltiramiz:
1. 1.5 mln dona pufakli sharlar
27-sentabr 1986 yili amerikaning United Way kompaniyasi xalqni og'ziga tushish uchun rekordni yangilamoqchi bo'ldi va 1.5 mln dona havo sharlarini bir vaqtda havoga uchirishga qaror qildi. Katta inshoat ichida 2500 kishi birgalikda mehnat qilib havo pufaklarini geliy bilan to'ldirishdi, inshoat tomi ochilganida hamma sharlar havoga ko'tarildi. Bu juda hayratlanarli edi, lekin bir necha daqiqaga xolos.
Kompaniya xodimlari oddiy yomg'irni inobatga olishmagan edi. Sharlar bir pastda yerga tushishdi, shamol esa ularni butun shahar bo'ylab yoyib yubordi.
Natijada butun shaharda transport harakati to'xtab qoldi, aeroportda uchish-qo'nish to'xtatildi. Hattoki, ikki dengizchi ko'ni sharlar qoplaganligi tufayli halok bo'lishdi.
Halok bo'lganlardan birining xotini kompaniyadan sud orqali $3 mln talab qilib oldi, shahar hokimiyati ham yetkazilgan zarar uchun kompaniyani 1 million dollarga jarimaga tordi.
Reklama kompaniyasi ish berdi, haqiqatdan ham kompaniya hammaga tanildi.
2. Uchish uchun butun umrlik tekin bilet
1981-yilda American Airlines yo'lovchi tashuvchi kompaniyasi "boy" mijozlari uchun cheksiz uchish uchun chipta sotuvini e'lon qildi.
Mijoz 250 ming AQSh dollari evaziga 1-klassda cheksiz miqdorda kompaniy xizmatidan foydalanishi mumkin edi. Qo'shimcha $150 ming evaziga sherigingizga ham shunday imkoniyat berilardi.
Kompaniya marketologlari o'ylashgandiki, bunday xizmatdan faqat eng katta kompaniyalar o'zlarining top menejerlarining xizmat safarlari uchun foydalanishadi, lekin biletlarni hamma sotib ola boshladi.
Shunday usul bilan bir yigit bir oyda 16 marta Londonga uchadi. To'g'ri-da, istasa har kuni uchsin ;)
Natijada kompaniya minglab odamlarni bepul tashishga majbur bo'ldi, ushbu reklama kompaniyasi bir haftada 5 million dollar zarar keltirdi. Aksiya esa bekor qilinib, pullar egalariga qaytarib berildi.
3. Apple va U2 guruhining yangi albomi
2014-yilda Apple kompaniyasi U2 guruhining yangi albomi hammaga yoqsa kerak deb, shu guruh bilan shartnoma tuzdi va yangi albomdagi barcha qo'shiqlarni avtomatik ravishda butun dunyodagi apple qurilmalariga yuklab qo'ydi.
Eng qizig'i bu qo'shiqlar qurilma xotirasida katta joy egallardi, lekin uni o'chirishning iloji yo'q edi. Bu esa hammaning jig'iga tega boshladi, Apple keyinchalik albomni qurilmalardan o'chirib tashladi.
Hech qanday effekt bermagan bu reklama kompaniyasiga Apple $100 mln dollar sarflagandi, va yana shuncha summa U2 guruhiga berilgan edi.
Jami zarar $200 mln dolalar!
4. Lay's chipslari va ob-havo bashorati
2010 yilda Lay's kompaniyasi Angliyada g'alati reklama kompaniyasini boshladi. Agar mijoz 65 cent evaziga 1 ta chips sotib olsa, u qachon yomg'ir boshlanishini bashorat qila olardi. Agar rostdan ham mijoz aytgan payt yomg'ir boshlansa, u $16 yutib olardi.
Hammasi zo'r, lekin kompaniya Angliyaning yomg'irlarga boy ob-havosini va kuz faslini inobatga olmagan edi. O'sha hafta shunchalik ko'p yomg'ir yog'diki, har qaysi boshorat to'gri chiqa boshladi.
Natijada kompaniya haftasiga 1.6 million dollar yo'qota boshladi. Lekin reklama o'z vazifasini bajardi, mijozlar chipslarni butun umr eslab qolishdi.
5. Tesco kompaniyasining aksiyasi va matematika
2011-yilda Britaniyadagi Tesco supermarketlar tarmog'i o'z raqobatchisi Asda bilan narxlar jangini boshladi.
Kompaniya e'lon qildiki, "Agar siz Asda supermarketlarida xuddi shu tovarni arzonrog'ini uchratsangiz sizga oradagi farqni qaytaramiz, agar bizdan $20 dollarga olgan vino Asda supermarketlarida $18 tursa, sizga $2 qaytaramiz"
Tesco kompaniyasi marketologlari ushbu reklama kompaniaysini boshlashdan avval o'ylashdiki, mijozlar faqat kerakli narsalarni sotib olishadi. Afsuski, mijozlar raqobatchi supermarketda nima arzonroq bo'lsa hamma narsani sotib ola boshladi, oradagi farq qiladigan summani olishadi va tovarga qaytarib berishadi.
Juda ayyor mijozlar sababli kompaniya juda ko'p zarar ko'rdi, zarar shunchalik ko'pligidan, sharmanda bo'lishdan qo'rqqan Tesco aniq summani ommaga oshkor etmadi.
Sharhlarda maqola haqida fikrlaringizni qoldirishni unutmang. Hamda blogimizga obuna bo'ling!