Ул бу хакта Инстаграмында язып куйган.
Салават Фәтхетдинов: «Мине һәм Ләйсән Рәсимовнаны Каһировлар Яңа ел белән котлый: "Татарстандагы беренче номерлы тавыш". Бу - бик югары бәя. Филүс, син - иң яхшысы», — дип язган.
Җырчының бу бәяләмәсе белән бик күпләр килешкән: «Хәния ханым да бик югары бәяли иде Филүсне»; «Филүсне яратабыз. Бер көнлек җыр җырлап, сикереп йөрми! Йөрәккә үтеп керә торган җырлары гасырлар буе онытылмас».
«Салават абый, ник беренче номерлы җырчыларның барысы да Башкортстаннан?»
«Җырчыларның яңа буыныннан иң яхшылар — Филүс Каһиров һәм Ришат Төхвәтуллин».
Әмма "беренче номерлы җырчы" дип башка кешене атаганнары да бар.
«Дөнья масштабында Артур Исламов беренче урында».
«Мин дә дөнья масштабында Артур Исламов - беренче, Татарстан буенча - Салават Фәтхетдинов, аннан соң Филүс Каһиров дип уйлыйм», - дип язалар.