Oxirgi yillarda oddiy foydalanuvchilarni telefonlarda turgan protsessorlar unchalik qiziqtirmay qo'ydi. chunki ko'pchilik telefondan asosan telegram, imo va va hokazo mesenjerlar uchun foydalanishadi. Asosan yangi telefonlarda urg'u kameralarga berilmoqda. Kameralarning piksellari oshib bormoqda. Qanchalik kameraning piksellari katta bo'lsa, shunchalik u kamerada olingan foto va videolar xotirada ko'p joyni egallaydi. Oddiygina rasmlar 4-5 megabayt joyni egallamoqda. Agar rasmning o'rtacha xajmi 4 megabayt deb olinaydigan bo'lsa 1GB(1Gb=1024Mb) xotiraga 256 ta rasm joylashadi.
- 32 Гбайт = 8192 rasm
- 64 Гбайт = 16384 rasm
- 128 Гбайт = 32768 rasm
Siz Instagramning ashaddiy muxlisi bo'lib, kuniga 10 tadan rasm tushurgan taqtiringizda 32 Gb xotirani to'ldirishingizga 2 yil vaqt ketadi. Lekin biz faqat rasm emas video ham tushiramiz. Agar siz videoni HD formatda tushirsangiz 1Gb ga 26 daqiqa FullHD da esa 18 daqiqa video sig'adi. Bundan tashqari telefonimizga Musiqa, dastir hamda o'yinlarni yuklaymiz.
Demak telefonimizning xotirasi tezgina to'lib qolmasligi uchun kamida 32 Gb xotirali telefon olishimiz kerak. Agarda siz telefondan faqatgina gaplashish va internetda ma'lumotlar o'qish uchun ishlatsangiz, sizga 16 Gb ham kifoya bo'lishi mumkin.
Bundan tashqari telefonlarimiz Operativ xotiraga ham ega. Qanchalik Operativ xotira katta bo'lsa, shunchalik telefonimiz chaqqonroq ishlaydi.
Og'ir va katta xajmdagi o'yinlar o'ynamaydiganlarga 3Gb Operativ va 32Gb doimiy xotiraga ega telefonlar kifoya bo'ladi. Agarda siz telefoningizni ko'p yillar almashtirmay ishlatadigan foydalanuvchilar turiga kirsangiz, sizga 4Gb va undan ortiq Operativ va 64Gb va undan ortiq doimiy xotiraga ega telefonlar sotib olishingizni maslaxat berardim.