Баршаға сәлем, достар.
Сіздермен өзімді таңқалдырған бір оқиғамен бөліскім келіп отыр. Осыдан үш жыл бұрын, төрт жыл кездесіп жүріп, бір жыл бойы бірге өмір сүрген күйеуммен өзімнің қызғаншақтығым себепті ажырасып кеттім. Ол болса көп жүрмей, басқа жас қызға үйленді. Ал мен болсам депрессияға түсіп, азып тозып қала бердім.
Ата анам, бауырларым: "бұл жүрісің болмас", -деп Шымкент қаласына нағашыларымның үйіне қонақ болып қыдыртып жіберді, баста онша ұнамап еді. Кейін біраз қаланы аралап қарасам шыныменде шырайлы әсем қала екен. Ары бері қыдырып, әбден демалдым. Қонақ болып келген нағашымның екі әйелі бар көршісі бар екен. Өзі көп сөйлемейтін салмақты, жүзі жылы кісі сияқты көрінді маған. Туыстарымда ол кісіні қатты сыйлайды. Әйелдері де әп-әдемі, өте сыпайы. Маған олардың мінез құлықтары өте қатты ұнады. Содан не керек қызықтап сұрай бастадым. Ішімді өртеп бара жатыр ғой енді.
Қалайша екі әйел бір үйде бастары пісіп өмір сүріп жатыр екен?
деп қоймай қойдым.
Бұл кісінің бала кезден бірге өскен досы болған екен. Екеуі өте жақын болған көрінеді. Ол досы ұзақ уақыт рак ауруымен ауырып 35 жасында қайтыс болады.
Өмірден озатынын сезген болар мүмкін, досын шақырып алып өзінің әйелін тоқалдыққа алып, екі баласына қамқор болуын сұраныпты. Әрине досы бұған келіспеген екен, өйткені оның өз әйелі бар оның үстіне досының әйелі бұл мәселеге қалай қарайтынын да білмеді. Содан досы қайтыс болады, досының әйелі мен бұл кісінің әйелі де жақсы құрбылар болғандықтан өз әйелі де бұл мәселені көтеріп, соңы не керек тоқал қылып алып беріпті.
Қазір ортақ тағы 2 ұл қызы бар екен. Әйелдері де бір бірімен жақсы қарым қатынаста.
Өмір деген қызық екен, өзім қызғаныштан ажырасып отырсам басқа әйелдер тоқал алып беріп отыр күйеулеріне.
Ал сіздер осындай жағдайда қандай шешім қабылдар едіңіздер?
Егер, арнамыз ұнаса лайк басып жазылуды ұмытпаңыз.