Миннеаполис санъат институти (МСИ) коллекцияси таркибида ўзбек тўқимачилигининг XVIII–XX асрларга тегишли 179 намунаси мавжуд. Ёдгорликлар тури ниҳоятда турфа хил бўлиб, мебель газламаларидан тортиб, либос ва кийим қисмларигача бўлган буюмларни кўриш мумкин. Агар уларнинг тикилиш услуби ҳақида гапирадиган бўлсак, нақшли икат газлама ва каштанинг мислсиз намуналарини алоҳида кўрсатиб ўтиш жоиз.
МСИнинг ўзбек коллекцияси географик ўрни ва маданий келиб чиқишига кўра ниҳоятда рангбарангдир. Бу ерда чорвадорлар ва қишлоқ усталари томонидан тайёрланган кашталар, шу билан бирга йирик шаҳар марказларида ишлаб чиқарилган газлама намунала-рини кўришингиз мумкин. Коллекцияда асосан лақай ва қўнғирот каби ўзбек уруғларининг газламалари, айниқса девор кашталари ҳисобланган илгичлар кўп учрайди.
МСИ коллекциясидаги ўзбек тўқимачилиги намуналари бир неча ўн йиллар давомида харид ва ҳадя йўллари орқали тўпланган. Энг йирик ҳадя этувчилар эса учта бўлиб, улар Лили Плейс (1920–1930 йиллар), Ричард Симмонс (1990 йиллардан ҳозирги кунга қадар) ҳамда Авива ва Жек А. Робинсонлардир (2004 й).
Лили Плейс Нью-Йоркдан Миннеаполисга 1873 йилда қарин-дошлари билан бирга келган. 1906 йилда унинг оиласи Италия- га йўл олган, Иккинчи жаҳон урушида йилларида эса Лили ва унинг сингиллари Қоҳирада яшаганлар. Пировардида Лили умрини Қоҳира, Лондон, Ницца орасида ўтказган, Европа, Осиё ва Африка бўйлаб кўп мароталаб саёҳат қилган. Саёҳатлари мобайнида турли санъат ашёла-рини сотиб олган ва натижада, безакли санъат ва тўқимачиликнинг анчагина катта коллекциясини тўплаган. Мазкур коллекция кейинчалик Метрополитен санъат музейи ва МСИ ўртасида бўлинган. Лили Плейс ҳадяси ўрнида келтирилган ўзбек газмоллари унинг бир коллекционер сифатида қизиқиши ифодаси, холос.
Ричард Симмонс – Миннеаполисда яшаган, сўнг Питтсбургга кўчиб ўтган шифокор. Унинг қизиқиши ҳам ниҳоятда турфа хил мана неча ўн йиллардан бери у дунё бўйлаб саёҳат қилиб, газлама тўплайди. Симмонс МСИга Европа, Шимолий ва Жанубий Америка, Африка ва Осиёдан буюмлар олиб келган. Унинг мақсади МСИнинг тўқимачилик коллекциясини АҚШ музейларида кам намойиш этилган географик ҳудудларидан келган буюмлар ҳисобига кенгайтиришдир.
2004 йилда Жэк ва Авива Робинсонлар институтга Ўрта Осиёга оид 97 дона каштани тақдим этди. Бу ҳадя Марказий Осиё тўқимачилиги соҳасида жаҳон миқёсида МСИнинг мавқеини мустаҳкамлаб берди. Робинсонлар нафақат ўзлари астойдил тўплаган коллекцияларини ҳадя этдилар, балки Ўрта Осиёда олиб бориладиган тадқиқот ишларини ҳам молиялаштирдилар. Шунингдек, МСИнинг «Кўчманчилик анъанасида ўзбек каштаси: Миннеаполис Санъат институтида Жек ва Авива Робинсонлар коллекцияси» (2007 йил) деб номланган нашрига ҳиссасини қўшган олимлар гуруҳини тўпладилар.