Алімпійская чэмпіёнка Надзея Скардзіна нарадзіла сына. Адбылося гэта 10 лістапада ў 5-м раддоме беларускай сталіцы, інфармуе TUT.by. Хлопчыка назвалі Даніілам.
Надзеі Скардзіна 34 гады. Яна — бронзавая медалістка Алімпіяды ў Сочы 2014 года і алімпійская чэмпіёнка (у эстафеце) Пхенчхана 2018-га. Летась біятланістка аб'явіла пра заканчэнне сваёй прафесійнай спартыўнай кар'еры. Сёлета Скардзіна ўзяла шлюб з швейцарскім біятланістам Марцінам Ягерам. Раней яна не выключала, што ў іх дзіцяці будзе двайное грамадзянства.