У Беларусі адменены збор за набыццё квіткоў на цягнік праз інтэрнэт, інфармуе прэс-служба Міністэрства антыманапольнага рэгулявання і гандлю. Такое рашэнне прынялі "для стымулявання электронных продажаў" і скарачэння выдаткаў, звязаных з працай касіраў.
Эканомія невялікая. Дагэтуль пасажыр плаціў за замову і афармленне праязнога дакумента: 24 капейкі — на цягнікі рэгіянальных ліній бізнес-класу і міжрэгіянальных ліній, 78 капеек — на цягнікі міжнародных ліній.
Не трэба дадаткова аплачваць збор за папярэдні продаж білетаў на прыгарадныя і міжгароднія аўтобусы. Дагэтуль гэта каштавала 11 капеек. Больш падрабязна можна паглядзець тут.
Новаўвядзенне стала магчымае, дзякуючы пастанове Саўміна ад 29 кастрычніка 2019-га, якой быў зменены ўрадавы дакумент ад 2014 года.