424-ші Қара пайым-сөз: Қазақтың солтүстіктегі жерін жапондықтарға жалға берсек қалай болар екен...

Қарағанды облысының аумағы 427 982 км² болса, технологиялық жетістіктерімен күллі әлемнің аузын аштырып, көзін жұмдырған Жапонияның бүкіл жер аумағы 377 944 км² қана екен. Бұл елдегі орташа еңбек жалақысы 3,5 мың АҚШ долларын құрайды. Олардың ең басты жетістігі биыл 50 мың жапондық 100 жастан әрі асыпты. Алдағы 15 жылда олардың саны миллионнан асады деп күтілуде. Осы жолдарды оқып отырған кейбіреулеріңіз «мүмкін орыстар көз алартып отырған қазақтың солтүстіктегі жерін түгелдей жапондарға жалға берсек қалай болар екен, мүмкін қазақтың жағдайы жақсарып кетер» деп ойлап отырған боларсыздар. Бір қызығы мен де соны ойлап отырмын. Біздің «дерьмоед» билік бәрін былықтырып бітті, мүмкін осы туралы референдум өткізерміз. Жарайды, бұл жай әзілім ғой. Айтайын дегенім мынау еді. Әлем ғалымдары, бұл «қысық көздер» қалайша ұзақ жасайды деп олардың жеген тамақтарынан бастап, тышқан боқтарына дейін тексеріпті. Анау айтқандай ерекше әсер ететін ешнәрсе таппапты. Сонда жапонның бір ғалымы «ұзақ жасаудың» құпиясын былай түсіндіріпті: «Бір де бір жапондық ешқашан да «жоқ, мынауың дұрыс емес» деп тіке айтпайды. Олар жанында жүрген адамдарға үнемі күлімсіреп сөйлеп, айтқан сөздерін бөлмейді. Жапондықтар ұзақ уақыттар бойы бірте-бірте «ойларын» (мысль) бақылауда ұстауды үйренген. Анығында адамдардың ойы арам болса, ол жан-жағының бәріне арам тіршіліктің дәнін егіп, белгілі бір уақыт өткен соң, әлгі елді арамдық түгел жайлап алады» екен. Сенбейін десең, біздің қабаған иттер сияқты «арс-арс, гүрс-гүрс» еткен қоғамымыз осы айтқандардың айнымас дәлелі. Айналайын алтын қазақтарым, «жоқ – деп айтпаңдаршы, жоғалып кететін түріміз бар»...