Бисёриҳо мехоҳанд, ки зиндагии худро дигаргун созанд, аммо роҳи дигаргуни сохтани онро намедонанд. Соҳибкор ва нависандаи Амрикоӣ Ҷеймс Алтушер барои тағйири он чунин маслиҳат медиҳад.
Алтушер дар блоги худ дарсҳои дар тӯли ҳаёташ омӯхтаро нашр кард, ки хело ҷолиб ба назар меоянд. Мо онҳоро инҷо ҷамъ овардем, то сарчашмаи илҳомбахшӣ зиндагии шумо гарданд ва тавонед он чиро ки хостед тағйир диҳед.
№1. Шахсияти шуморо одамоне ташаккул медиҳанд, ки шумо бо ҳамроҳии онҳо вақти худро сипарӣ мекунед. Ҳеҷ гоҳ вақти худро бо онҳое талаф накунед, ки боиси гандидани ҳаёти шумо бишавад.
№2. Стратегия(роҳбурд)-и кайзенро ба кор баред. Ҳар рӯз бикӯшед, то беҳтар шавед. Ҳатто 1% беҳбудӣ дар як сол ба шумо барои пешрафти чашмрасе кӯмак мекунад. Ин нисбат ба оне ки 99,9 % одамон мекунанд хело беҳтар аст.
№3. Озод будан- ба маънои вобаста набудан дар рушди шахсияти худ ба тасмимоти дигарон аст.
№4. Қадршиносӣ ва тарс наметавонанд дар як ҷо бо ҳам зиндагӣ кунанд. Тамоми он тасмимоте, ки мо мегирем бар асоси майл ба пешрафт ва ё тарс устувор аст. Аммо фақат аввалинҳо моро ба самте ҳидоят мекунанд ки қутбнамои дохили мо нишон медиҳад.
№5. Дар зиндагӣ одамони гуногуне вуҷуд доранд ва онҳоро метавон шартан бо аломатҳои +,-,= тақсим кард,
Бо "+"-ин гуруҳ одамон вақти бештари худро сарф кунед,зеро инҳо аз шумо донотаранд ва метавонед аз онҳо чизҳоеро фаро гиред.
Гурӯҳи одамони мусовӣ "=" касоне ҳастанд, ки бо шумо дар як сатҳ қарор доранд, шумо метавонед бо ҳам чизе омӯхта ва пешрафта шавед.
Ва дар ниҳоят одамоне ки бо аломати "-" баҳогузорӣ шудаанд, онҳое, ҳастанд, ки аз шумо як зина поинтарад, шумо метавонед ба онҳо чизе омӯзонед.
№6. Барои ноил шудан ба чизе дар ин ё он соҳа қабл аз ҳам ба шумо нерӯву тавон лозим аст, аз қабили нерӯи ҷисмонӣ, эҳсосӣ, эҷодӣ ва равонӣ. Бикӯшед, то ҳамарӯза аз ин нерӯҳоро дошта бошед.
№7. Агар мехоҳед, ки солим бошед бикӯшед, то дуруст ғизо бихӯред, бештар варзиш кунед ва хоби кофӣ биравед. Ин се омили муҳим боиси солмии шумо ба ҳисоб мераванд.
№ 8. Барои аз ҷиҳати равонӣ солим будан, бо онҳое, ки шуморо дӯст медоранд ва қадр мекунанд, вақти бештари худро сарф кунед.
№9. Барои рушди эҷодиятон, ҳар рӯз 10 идеяи навро нависед. Муҳим нест, ки он идеяҳо худанд ё бад. Агар чунин роҳро давом диҳед ба назари Алтушер, пас аз се моҳ, ба абарқудратарин тавлидкунандаи идеяҳо табдил хоҳед шуд.
№10. Барои ҳифзи оромиши хотир ҳеҷ гоҳ иҷоза надиҳед , ки нисбат ба гузашта пушаймонӣ кунеду ба хотири оянда нигарон бошед. Зеро андешидан дар гузашта ва тафаккур барои оянда зеҳни шуморо аз андешидан дар бораи имрӯзатон боз медорад. Ҳозир(Ҳамин лаҳза) -он ҳамон чизест, ки мо соҳибаш ҳастам. (ҳозирамонро тағйир диҳем беҳтар аст. тарҷумон).
№11. Ҳамеша кӯшиш кунед, ки ба дигарон кумак кунед. Гап дар бораи кумаки молӣ нест, гарчанде ки шумо онро низ метавонед қисмат кунед.
Боястӣ тарзи тафаккури худро тағйир дод: бидуни интизории суде барои худ.Ҳҳеҷ гоҳ аз кумак кардан пушаймон нашавед, зеро ҳеҷ чизеро аз даст надодаед.
№12. Аз принсипҳои худ даст накашед. Бидуни садоқат ба принсипҳои худ зистан хело душвор аст. Аз ҳамин сабаб принсипҳо ва арзишҳоятонро дақиқ муайян созед ва аз пайи он рафтан ҳарос надошта бошед.
№13. Ба ҳар чизе ки шумо дарк мекунед ва медонед аз нигоҳи интиқодӣ (ва шубҳа) назар кунед. Бисёр далелҳое буданд, ки баҳсношаванда ба назар меомаданд, вале дар ниҳоят ба баҳс кашида шуданд. Ҳамеша бипрусед зеро он зеҳнияти (скептикӣ)шубаҳаро дар вуҷуди шумо бедор мекунад ва боис мешавд, ки зудтар муваффақ шавед.
№14. Ҳамаи мо ғайри мантиқӣ меандешем. На ҳамеша ҳақ бо мост ва дар ин бора фаромӯш насозед, ки байни пирӯзӣ ва нокомӣ гардиш(манёвр) хело осон аст.
№15. Гуноҳи худро бар сари дигарон нандозед ва онро эътироф кунед. Вақто Алтушер дар биржа пулашро аз даст, ба ӯ маслиҳат доданд, то брокери биржаро ба додгоҳ бикашад,аммо ӯ чунин накард. Ӯ эътироф кард, ки худаш гунаҳгор аст, чунки ӯ пулҳояшро ба биржа оварда буда на каси дигар. Шикастҳои худро биомӯзед, онҳо метавонанд таҷриба барои шумо бошанд,зеро шикатсҳо ягона роҳе ҳастанд, ки боиси беҳтар шудани шумо мешаванд.
№16. Ба равандҳо диққат диҳед, на ба натиҷаҳо. Агар шумо саъй кунед, то биомӯзед, такмил диҳед, маслиҳатҳои одамони ботаҷрибаро ба кор баред, хонед ва амал кунед,шумо метавонед муваффақ шавед, зеро наметавон оқибатро пешгӯӣ карду чора дид. Ки медонад ки фардои шумо аз имрӯз беҳтар(ё бадтар) хоҳад буд?!
Натиҷа танҳо як хаёле дар бораи оянда аст ва ин раванд аст, ки имрӯзи шуморо муайян мекунад. Бикӯшед, то аз он лаззат баред.
№17. Пул- маҳсули иловагии ҳама чизҳои дар боло зикршуда аст.
№18. Муносибатҳои ошиқона он чизест, ки мо дар боло зикр кардем. Масъулияти нигоҳ доштани эътибори худро ба дӯши шарики худ бор накунед. Мушкилоти худаш баро ӯ кофист.
№19. Тандурустӣ он чизест, ки мо дар боло зикр кардем.
№20. Ҳар монеае фурсатест барои шумо. Инро ба ёд дошта бошеду ҳаргиз таслим нашавед.
Ин буд навишатҳои Ҷеймс Алтушер дар бораи ҳақиқатҳои илҳомахши зиндагӣ, барои навиштаҳои дигари моро хондан инҷо клик кунеду обуна шавед.