Гижис Василий Козлов
1.
Талун луныс, талун луныс,
Талун луныс ошшасян.
Ме радейта сёйны-юны -
Ошка ме сёян-юан.
2.
Уна польза пö пиканын,
Öктi сiйö тонна мöд.
Сёйи – дзескыт ни вешьянö,
Муна кошшыны домöт.
3.
Пистик каша ме панялi,
Сэсся оз ков меным нем:
И кынöмö оз симав ни,
И здоровье менам эм.
4.
Вöрын быдмöны сёяннэз,
И радейтö нiйö быд:
Сола тшак да косьтöм тшаккез,
А эшö тай тшакьяшыд.
5.
Ме ырöш пондаись сета,
Натьтö, лов, не только сьöм:
Юа кö – лунтыр оз юöт,
Да и пöт менам кынöм.
6.
Ой, а сурсö кин оз радейт?
Öткажитчас сысянь кин?
Кыдз казяла – дульö петö,
Быгья сурсянь öзйö син.
7.
Вöр-ва пыр миянöс вердö,
Только бура сыкöт ов.
Гöсьöс кор пыр пызан сайö
Да шу небыта: «Нянь-сов!»
