Велöтчиссез понда олимпиада «КОРОНАВИРУСЛÖ ПАНЫТ»
Юасьöм А
Мый позьö шуны профилактическöй мераöн коронавирус инфекциялö паныт?
1. «Лöз лампаöн» шонтöм
2. «Звёздочка» бальзамöн либо оксолиновöй мавтасöн ныр пытшк мавтöм
3. Частожыкся киэз миссьöтöм да спирта растворöн нiйö мавтöм
4. Лук да чöснöг сёйöм
Юасьöм Б
Вируссэз вермöны овны дзир организммезлöн клеткаэзын. Мый вируссэз озö вермы керны?
1. Эволюционируйтны
2. Унасявны (размножайтчыны)
3. Адаптируйтчыны
4. Быдмыны и воны (развивайтчыны)
Юасьöм В
Мыля «COVID-19»-кöт пессикö антибиотиккез отсалöны умöля?
1. Кашляйтöм дырни таблеткаэз петасö бöр
2. Сiдз кыдз «COVID-19» – вирус
3. «COVID-19» – невеськöтана шогöт
4. Антибиотиккез – запрещённöй препараттэз.
Юасьöм Г
1918 воö, Медодзза мировöй война бöртi, Му пасьта омöн паськалiс шогöт, кöда неыджыт кад коста (во да джын) ештiс вийны уна отирöс. Этö вöлi грипп. Кыдз сiйö сёрöнжык нимтiсö?
1. Кай грипп
2. Гонконгскöй грипп
3. Испанскöй грипп
4. Порсь грипп
Юасьöм Д
Кытшöм шогöткöт пессьöмын медбура вермö отсавны витамин «С» ?
1. COVID-19
2. Грипп
3. Мюнхгаузен нима синдром
4. Цинга
Юасьöм Е
Кинöс учёнöйес коласiсь лыддьöны асептикалöн да пырся ки миссьöтöмлöн пондöтчисьöн (основоположникöн)?
1. Игнац Земмельвейс
2. Луи Пастер
3. Александр Флеминг
4. Роберт Кох
Юасьöм Ё
Пандемия коста тiянлö ыджыт карöт колö мунны не подöн. Мыйöн буржык мунны?
1.автобусöн
2.трамвайöн
3.троллейбусöн
4.велосипедöн
Юасьöм Ж
Мый эта коласiсь оз ло стресслöн стадияöн?
1. Адаптация
2. Мобилизация
3. Пессьöм (сопротивленнё)
4. Мыдзöм (истощеннё)
Юасьöм З
Здравоохраненнё сьöртi му пасьта чукöр (рочöн – Всемирная организация здравоохранения) 2019 воö сёрнитiс 10 ыджыт проблема йылiсь. Мый эта лыдö пырис?
1. Медицинскöй работниккезлöн умöль компетентность
2. Вакцинаэзiсь полöм (недоверие)
3. Медицинскöй маскаэзлöн нетырмöм (дефицит)
4. Спиртлöн незаконнöй оборот
Юасьöм И
Кытшöм подаöс лыддьöны виновникöн мортлö коронавируссö «козьналöмын»?
1. Панголин
2. Черепаха
3. Крокодил
4. Ош
Юасьöм К
Унажыкыслö (80%-ся унажык), кин «COVID-19»-нас шогалö, вермöны веськавны гортаныс. Но кытшöм симптом дырни колö сэк жö корны врачöс?
1. Пöдöм (одышка)
2. Юр висьöм
3. Несйöм
4. Ыджыт температура
Юасьöм Л
Медсьöкыта шогалöны «COVID-19»-нас пöриссез. Мый колö керны, медбы нылö эз вöв гажтöм нето эз кут öбида сы коста, кöр тшöктöны пукавны гортын?
1. Быд лунö ны дынö пыравлыны баитны
2. Мунны овны ны дынö ciя кад кежö
3. Баитны ныкöт телефонöт нето скайпöт, гижсьыны «VK» да мöдiк социальнöй сеттезын, а сiдзжö вайны нылö сёян-юаннэз да колан предметтэз и кольны нiйö ыбöс одзö.
4. Петкöтлыны нiйö быд лунö ветлöтны паркö, сöстöм руöн чушыктыны
Юасьöм М
Мый оз ков «Ки миссьöтöм инструкцияын»?
1. Матегалö киэзнытö бытшöмжыка
2. Буржыка ниртö киэзлiсь быд ладор, сiдзжö чунь колассэз 20 секундася не етшажык
3. Чышкö буржыка чышкöтöн нето салфеткаöн
4. Краситö гыжжезнытö гажажык лакöн
Юасьöм Н
Мый вермас умöльсьöтны и сьöктöтны «COVID-19»-кöт пессьöмсö?
1. Водкаöн киэз ниртöм
2. Куритöм
3. Юр вылын пластикись баклажка новйöм
4.Быдöс вылынжык гижöмыс
Юасьöм О
Мый понда ковсьывлö карантин?
1. Медбы некин эз кут шогöт
2. Медбы кокньöтны враччезлiсь удж, кокньöтны здравоохраненнёлiсь нагрузка
3. Медбы керны отирлö умöльö и накажитны нiйö изоляцияöн
4. Медбы отир етшажык баитiсö сякöйсö да эзö паникуйтö
ОТВЕТТЭЗ:
А – 3
Медбур – миссьöтны частожык киэз, а сiдзжö – респираторнöй гигиена: несйöм да кашель дырни видзны чышьянок либо салфетка или несйыны и кашляйтны сосö. И шогалiссез дынсянь сулавны-пукавны 2 метра ылынжык.
Б – 4
Вируссэзлöн абу клеточнöй строеннё, сiйöн нiя озö вермö быдмыны и развивайтчыны, а сiдзжö нылöн абу веществоэз коласын вежсьöм (обмен веществ), гомеостаз, раздражительность.
В – 2
Антибиотиккезлöн вируссэз вылас вынныс абу, нiя бура пессьöны бактериальнöй инфекцияэзöн.
Г – 3
Медодз шогавны отирыс пондiсö США-ын, но нимыс «испанскöй грипп (испанка)» шогаöтыс бердö лякасис сiйöн, мыля Испания медодз казьмöтiс мирсö умöль шогöт йылiсь. Мöдiк государствоэз воюйтiсö и, кöть и вöлicö нылöн шогалiссес уна армияын и гражданскöй отир коласын, нылöн военнöй цензура эз лэдз эта йылiсь висьтасьны.
Д – 4
Уна ни эмöсь исследованнёэз сы сьöртi, мый витамин «С» профилактика понда приём простудалö нето грипплö туйсö оз пöднав.
Витамbн «С» медбура отсалö цингаöн шогалicь отирлö: 1932 воö вöлi докажитöм, мый цинга аркмö нылöн, кинлö нач оз тырмы витамин «С». Эта исследованнёыс сiдз öддьöн колана-тöдчанаöн, мый вöлi наградитöм физиология да медицина сьöртi Нобель нима премияöн.
Е – 1
19 векын Венгрияись врач Игнац Земмельвейс казялiс, мый ваялiсь инькаэз частожык кулöны ваясян отделеннёын, нежели – акушерскöй клиникаын. Эшö сiя вежöртiс, мый враччез кутчисльлiсö кага вайись инькаэз бердö сы бöрын, кыдз бертлывлiсö моргись. Сiя чайтiс, мый враччес вермисö вайны киэз выланыс «трупнöй тороккез», кöдна вермисö шогöтсьöтны инькаэсö и вийлыны кагаэсö. И Земмельвейс пондiс тшöктыны коллегаэсö миссьöтны киэзнысö и инструменнтэзнысö хлор сора растворын.
Ё – 4
Автобус, трамвай, троллейбус, такси, метро оз лöсялö, сiдз кыдз эпидемия (пандемия) дырни колö керны сiдз, медбы пантасьлыны кыдз позьö етшажык отиркöт.
Ж – 1
Стресслöн 3 стадия: мобилизация, пессьöм (сопротивленнё), мыдзöм (истощеннё).
З – 2
Чукöрыс полö, что вакцина кертöг отир вермасö пондыны бöра шогавны сiйöн, мыйöн вакцинация кузя эзö ни заразитчывлö.
И – 1
Китайскöй учёнöйез аддзисö виновнöйсö: не лэбалiсь шыррез пö, а пандолин. Малайзийскöй пандолиннэзлöн яй лыддиссьö деликатесöн. Лэбалiсь шыррезыс пандолиннэсö вермöмась заразитны, а деликатэсыссянь лёк шогöтыс вуджис морт дынö. Сэтшöм результаттэзыс публикуйтöмöсь «Nature» журналын.
К – 1
Пöдöм (одышка) дырни оз ков аслыт мунны больницаö: тэ верман заразитны уна отирöс или заразитчыны ачыт. Колö корны врачсö гортö.
Л – 3
Коронавирус вуджö морт дынсянь морт дынö воттезöн, кöдна петöны нарсиным да öмсиным несйöм да кашляйтöм дырни. Эшö мийö вермамö не шогавны, но новйöтны вируссэсö. Сiйöн пöриссез дынö оз позь и пыравлыны, медбы не заразитны нiйö.
М – 4
Кöр киэз басöкöсь, сiя бур, но эпидемия дырни коланажык – сöстöм киэз.
Кыдз позьö миссьöтны киэз?
1.Вадö киэзнытö.
2.Матегалö киэзнытö бытшöмжыка.
3.Буржыка ниртö киэзлiсь быд ладор, сiдзжö чунь колассэз 20 секундася не етшажык
4.Гывьялö киэзнытö бытшöмжыка.
5.Чышкö буржыка чышкöтöн нето салфеткаöн
Частожык колö миссьöтлыны киэзнытö. И уж обязательно – сёйöм одзын, кашляйтöм да несйöм понiсь, туалетö ветлöм бöртi, öтöрись гортö пырöм бöртi.
Н – 4
Куритöмыс, кыдз и быд шогöт коста, сетö умöльö. Дезинфекция понда водка испоьзутны – косьтыны ки кучик, а коронавируснöй дезинфекция понда спиртыслöн концетрацияыс растворын колö 65 да унажык %. А баклажка отсалас сэк, кöр мортыс оз вермы овны сытöг, медбы чужöм бердö киэзнас не павкöтчыны.
О – 2
Карантиныс колö не сы понда, медбы некин эз заразитчы (сэтшöмыс некöр оз вермы лоны), а медбы одзавны шогöтсö, лоны сы дынö готовöйöн, медбы враччез ештiсö вежöртны масштаббез шогöтыслiсь, вермисö ресурссэзнысö лöсьöтны и небны, мый оз тырмы и мый колö, вермисö тэрмасьтöг керны анализзэз и кутчисьны веськöтны шогалiссесö. Мый буржык: 1000 морт заразитчисö öтдруг или нiя жö 1000 мортыс пондiсö шогавны сьöрсьöн-бöрсьöн тöлiсь кузя?
Сiйöн, пондiтö кö шогавны, кольччö гортаныт. Етшажык отиркöт пантасьлатö кöть öтöрын, кöть больницаын, кöть мöдiклаын – тiйö отсалатö враччезлö уджавны эффективнöйжыка и одö сетö возможность аслыныт и матiссезлö кутны коронавирус и мöдiк инфекцияэз.