Умэкэтык, миӈки накогэтаӈвоӈнав’ пыӈлов’ аӄачыг’ычгиӈыкъет COVID-19, инэллэчг’э траспортакен то тайиг’этгиӈэн В. Каюмовынак тывынэн вэтгиӈо ымваятэн вагалынэн Елизово ангытыткома тойгэвэгиӈын.
Ангытыткома еӈальг’атгиӈо Камчаткак еллайкэ гынунэтыӈ Россиякен вагалынэтыӈ Шереметьево, Иркутский то Сахалинский областяйтыӈ, Хабаровский то Приморский краетыӈ. Йинэльг’этъиччет «Камчаткакен авиационный иччет» амъел явэтатэкэ тит ныг’итикынэв’ межрегиональный то гынунык Камчаткак еӈальг’атгиӈо, ятан Камчаткаӈӄо лайвыгиӈо ӄотэнычг’энаӈ нэетэйкыӈнэв’.
В’ото 1,2,3 лыгуллэв’ытйиг’илгык вагылынвэпыӈ Елизово ӄыйим ныйиӈэнэв’ самолёто гынунык Камчаткак.
4 лыгуллэв’ытйиг’илгыӈӄо гымлэ яӈволаӈ йиӈэльг’этык самолёто Камчаткайпыӈ.
Йиӈэльг’этылг’э эмэлкэ нэетэйкыӈнэв’ тестав’ аӄачыг’ычгиӈыкъет яӄам аэропортак.
***
Инэллэиччетэ крайик нэкминэв’ коэффициентав’ вэлатгиӈэпыӈ рафинированный мытӄилин то чахарин.
Ыннин такалэӈгиӈын нантоӈвавын краевой Инэллэиччетык,миӈки экономикакенав’ йиплэпав’гиӈо накогэтаӈвоӈнав’.
«Вэлатгиӈо пичгыкъйит Пенжинский районык ныгычголӄэнав’, ӈэвэӄ гитэк Петропавловск-Камчаткакен. В’отэныӈӄо мыттэкынэв’ Камчаткак вилэтгиӈыкэнав’ зонав’- яноткэн Авачинский ваны: Петропавловскак- Камчаткакен, Вилючинск, Елизово то Елизовский район. В’утку вэлатгиӈо 1 йиллитин чаӄарин- 64 пылв’ынто, 1 литран рафинированный мытӄилин-139 пылв’ынто. Ӈыеӄэв’кэн ваны вилэтыкьйит- Мильковский, Соболевский,Устье- Большерецкий, Усть-Камчатский, Быстринский районо. В’утку йиллит чаӄарин китыӈ 76 рублив’ то 154 рублив’ рафинированный мытӄил. Ӈыёӄав’кен зона- ымоӈ районо Корякский округкенав’ то Алеутский район. В’утку йиллит чаӄарин китыӈ 125 рублив’, мытӄилин- 205 рублив’»,- эвыӈ Ю. Морозова.
Эчгыпо йинчоччымав’нэн С. Тынанто.