В. Солодовынак тывынэн эналлачг’ыйикыӈ иччетылв’ынык, тит 31 яяв’очг’ыйиг’илгын ныг’итики паӈав’ъейг’ылоно.
Тайкыёлӄыл инэллэчг’ын крайик, тит 31 яяв’очг’ыйиг’илгык ныг’итикын паӈав’ъйиг’ылоно, инэллэчг’э гамгаиччетык чинин накотанвэтгыӈнав’, то опта накопӈылоӈвоӈнав’ вэтатылг’о, метке когаймалаӈ ыччу ынниг’ан итык. То опта нэнг’ыгитэйквнэв’ яӄ вэтгиӈо келлаӈ то миӈкые ковэтанӈыволаӈ, то лиги лыӈык вэтгиӈыкэнав’ законодательствав’.
Вэтатылг’о меӈию ӄыйим нывэтанав’ 26 яяв’очг’ыйиг’илгык, явэталайкэ 31 яяв’очг’ыйиг’илгык.
*
«Камчаткакен социальный картан» 2021 гэвэгиӈык яӈвоӈ итык майӈытайкыёлӄыло. Йиг’ояв’лаӈ нытуйӄинэв’ пылэпгиӈо яноткенын социальный картанэн. Юнэтылг’э крайик тыттель инг’э наяӈвоӈнав’ экмитык ымоӈ вэлатгиӈо, то ӄыйим ею ынкалийкынав’, тит ныг’итикынэв’ ычгинэв’ в’эннятгиӈо.
В’уччин тайкыён ӈывой итык алак, мыев’ в’отэныӈӄо вэтгыльг’атэ инэллэчг’ын крайик В. Солодов.
«Камчаткакен социальный картан - нымэлӄин тайкыёлӄыл, маӈэныӈӄо кенӈыволаӈ мальнив’тилӄинэв’ вэлатгиӈо вэлиткома городык. Яноткенав’ в’эннятгиӈо келлаӈ ынпываятыӈ меӈию таӈычейляй, то ӈанэныйикыӈ мекив’ вэталлай Майӈытанӈычейма. Опта «Камчаткакен социальный картан» - банковский пылв’ынтыёчгын, меӈин эмэлкэ явак ӄэй миӈкые»-, эвыӈ инэллэчг’ын краевой иччетык экономикакен энаплэпав’гиӈэпыӈ то энанвэлитков’гиӈэпыӈ Ю. Морозова.
Эчги инэллэчг’у кев’лаӈ, яноткенав’ этгиӈо келлаӈ тит анымкав’ка г’уемтэв’илг’у меӈинычгин еллайкэ ыннею картав’- йимкавык в’эннятгиӈо, экмитылг’у социальный картата.
Ӄутин гивик наяӈвоӈнав’ пыӈъйик социальный картата ымоӈ ветерано вэтгиӈэпыӈ - Камчаткак ӄымэк 40 тысячав’. Мальвыг’аёк аму ыннею картав’ наяӈвоӈнав’ йилык ымоӈ пенсионерыйикыӈ, ёнатылг’ыйикыӈ Камчаткак.
Эчгыпо йинчоччымав’нэн С. Тынанто.