Күйеу деген — екі звоногын көтеріп үлгермесең, "10 рет звондап ала алмадым ғой!" деп нервіштететін адам;
Күйеу деген — дәл түбінде тұрған токқа зарядчикті тығуға ерініп, "Соткамды зарядкаға қойшы" деп тапсырма беретін адам;
Күйеу деген — өзі әжетханада 2 сағат отыратыны аздай, біз 2 минутқа кірсек, "Не істеп жатсың? Шықсай, мына бала жылап кетті ғой!" деп шыдамсызданатын адам;
Күйеу деген — фитнеске жазылайыншы деп сұрансаң: "Тоғызыншы этаждан жаяу түсіп/шық, болмаса балдарды күніге садикке жаяу апарып/әкел. Сол — саған фитнес",- деп жауап беретін адам.
Күйеу деген — гүл сыйламайсың деп ренжісең: "Неғыласың гүлді? Бәрібір солып қалады ғой",- деп оңай құтылғысы келетін адам;
Күйеу деген — бір жаққа шығарда боянып жатсаң: "Тиер байыңа тидің, неменеге боянасың енді? Ананың бәрі химия, зиян ғой",- деп ұрсатын адам.
Күйеу деген —тамақ дайын болмай кетсе: "Қашан пісед, қашан пісед?",- деп кухняда төбеңде тұрып алатын, ал тамақ дайын болса: "Қазір, ия, қазір",- деп залда жатып алатын адам;
Күйеу деген — күні бойы қайда баруың керегін қайта-қайта ескертіп жүрсең де, "Мен кеттім" деп шығып бара жатсаң: "Қайда барасың?",-деп сұрайтын адам;
Күйеу деген —"Қай көйлекті киейін? Қызылды ма, көкті ма?",- деп сұрасаң: "Жабығын, тырыспағанын немесе ұзындауын ки" деп бұйрық беретін адам;
Күйеу деген — "Гинекологқа барып тексерілдім" деп денсаулығың туралы айтып жатсаң "Гинеколог әйел ме, еркек пе?" деген біртүрлі сұрақ қоятын адам;
Күйеу деген — қанша баламен миың қайнап жатса да "Менің келіншегім әлі он бала туып берем деп отыр",- деп мақтанып отыратын адам;
Күйеу деген — "Маған тигеніңе шүкір де, әйтпесе қазір тауда бір қойшыға қатын боп отырар ең",- деп қалжыңдайтын адам;
Күйеу деген — бір жаққа шығып сәл кешіксең: "Үйің, бала-шағаң бар ма сенің? Тез қайт",- деп звондайтын адам.
Күйеу деген — сенің әке-шешең келгенде аса мейірімді, қойдан да жуас бола қалатын, ал өзінікі келсе, өзінше боп шыға келетін адам;