Мұндайда ерте оянған әтеш ұтты-ау,
Мұндайда қабағыңды қате шытпау...
Шіркін-ай,
Жайраңдаған жігіт шағым
Бір күліп болғанымша өте шықты-ау!
Жастығым әрі құтты,
Әрі үмітті –
Ештеңе көрмегендей –
Жар ұмытты.
Болатын көп сияқты әлі уақытым,
Бір ойланып алғанымша бәрі бітті.
Жалт еткен жас сұлудың қарасындай
Зымырап, уақыт-тұлпар, барасың ба, әй!
Жиырма менен елудің екі арасы
Алматы – Шамалғанның арасындай!