Ұлтарақтай болса да
ата қоныс — жер қымбат.
Ат төбеліндей болса да
туып-өскен ел қымбат.
ЖАУ ЕКЕНІҢДІ ӘБДЕН ДӘЛЕЛДЕДІҢ НАЗАРБАЕВ!
Нұрсұлтан Назарбаев!
Ендігіде сені «қалмақ» деп жақ ауыртып та керегі болмай қалды, сен өзіңнің қазақ ұлтына өлердей жау екендігіңді – ата жауымыз қалмақ екендігіңді ісіңмен де сөзіңмен де әбден дәлелдедің! Қазаққа жекіп не демедің десейші! «Қазақ жалқау, ничкемный», яғни «түкке жарағысыз» дедің. Қазақ түгілі басқа ұлттар айтпаған «Қазақта шекара түгілі, мемлекеттілік болмаған» деген масқараны да шығарған сен едің! Одан әбден мейманаң асып, дандайсыған сен ауылдағы қазақтарды «паразит» деп қорладың. Бұл тек ауылды ғана емес, барша қазақ ұлтын қорлағаның еді! Қытайды қоныстандыру мақсатымен мына сен әуелі совхоздарды содан соң ауылдарды құртып, халқын торғайдай тоздырып, қаңғыртып жібердің! Асты-үсті жеріміздің байлығын тонап, ұрлап, одан қалды Қытайға шүленше таратып, біздерді, яғни қалың қазақ халқын тыр жалаңаш қалдырғаның аздай, Атамекен туған жерімізді саудаға салдың! Осы да өтірік пе?! Мораторий дегеніңді жариялағаның не керек, бәрі бір алға қойған мақсатыңнан айнымай көз қысты бармақ басты етіп жерімізді астыртын сатып жатырсың. Жерімізді сатпасаң қаптаған қытайлар қайдан келді? Астанада, Алматыда қарақұрым қытайдан көз сүрінеді, жеріміз сатылмаса соншама қытай қайдан келді?!
Жерін қорғаған, елін қорғаған, ұлтын қорғаған қазақ біткенді өзіңе жаудай көріп, шеттерінен түрмеге қаматып жатырсың. Сен сонда қазақ ұлтына жау емей, кімсің?! Жері үшін, туған елі үшін, ұлтының мақсат-бағдары үшін, жарқын болашағы үшін көшеге шыққан халықты бас-көз демей сабатып, оларды тағы соттатып жатырсың. Ал енді осыдан кейін сен қазаққа қалайша жау емессің?!
Жеріміздің Қытайларға кетіп жатқаны туралы шындық іздеп Шығыс Қазақстан облысына қарасты Күршім, Зайсан аудандарына жолға шыққан Ақмолалық белсенділерді: Тиыштыбаева Іңкәр Мұхамедқалиқызын, Нұркишев Жанат Әмірғалиұлын, Жәнібеков Орынбасар Абылқасымұлын, Файруллаев Ерлан Махмутбайұлын, Тағай Әбдуәли Абдуллаұлын Өскемен қаласының түрмесінен дереу босатпасаң, іріп-шіріп, сасық иісі қолқаны жарып бара жатқан жүйең жақын арада жантәсілімнен тірі өлікке айналып, тек күлі ғана қалады. Ол күн алыс емес және мемлекетті алмағайып қатерлі жағдайға әкелген, яғни төкеріс жағдайына әкелген мынау сендердің қазақ халқына деген өшпенділіктерің мен тойымсыз ашқарақтықтарың! Инвестиция керек болса салыңдар қазақ ұлтынан ұрлап-қарлап оффшорларға тыққан жүздеген миллиард доллар қаражаттарыңды! Сен былтырлар «Қазақстаннан сыртқа қашқан қаражаттың саны 1 триллион доллар» дедің, оны барша халық естіді. Қайтар сол қаражаттарды елдің қазынасына, салғыз зауыттарды, фабрикаларды, әне сонда ғана жуа аласың қазақ ұлтына жасап келген геноцидыңды. Олай болмайды екен, қан қанмен жуылатын жағдайға – төңкеріске тап боласың!
Жерін, ұлтын, елін қорғаған асыл азаматтарымызды дереу босатыңдар түрмеден!
Жаудан жер де жиренеді! Өлгенде сүйегім қазақ жеріне көміледі деп ойлама Назарбаев, қазақ жері сенің арам өлімтігіңді қабылдамайды!