Bekajonlar shirin-nordon yoqimli ta'mni sizga taqdim etadigan taomni tayyorlab ko'rishingizni tavsiya qilaman. Ushbu usulda tayyorlangan go'shtga hohishingizga ko'ra garnir tayyorlashingiz ham mumkin. Har qanday dasturxondan o'zining yorqin o'rnini egallab, dasturxonga ko'rk bag'ishlovchi taom aynan ushbudir. Bekajonlar taomni albatta sinab ko'ring!
Kerakli masalliqlar:
- 2 kg mol go'shti
- 5 kg piyoz
- 500 gramm qora olxo'ri qoqisi
- 150 gramm tomat pastasi
- 40 gramm limon kislotasi yoki sharbati
- 5 dona dolchin tayoqchasi
- ta'bga ko'ra tuz, shakar va murch
- o'simlik yog'i va suv
Tayyorlash usuli:
1. Bo'laklarga bo'lingan go'shtni baland olovda, tilla tusga kirgunga qadar o'simlik yog'ida qovuring.
2. Halqa shaklda to'rg'algan piyozni tovada qizdirilgan yog'da qovurishni boshlang.
3. Baland olovda qizartirib qovuring.
4. Qovurilgan piyozni go'sht bilan uchrashtiring.
5. Tuz, shakar, murch, limon kislotasi, dolchin tayoqchalari va tomat pastasini soling. Go'shtni yopar-yopmas suv quying.
6. Go'shtni butunlay tayyor bo'lgunga qadar, taxminan 40 daqiqa davomida dimlab tayyorlang. Tayyor bo'lishning so'nggi jarayonida qora olxo'ri qoqisini soling va qopqoq ostida bir vaqt qoldiring va olovdan oling. Tayyor taomni hohishingizga ko'ra bezating va darhol dasturxonga torting!
Yoqimli ishtaxa!