Do'lma-karam bargiga o'rab tayyorlangan golubsi emas balki, uzum bargiga o'rab tayyorlangan taomdir. Ushbu taom uzum mevasi o'sadigan barcha mamlakatlarda tayyorlanadi. Ajoyib va mazali taomni tayyorlamagan bekaning o'zi bo'lmasa kerak. Ajoyib taom dasturxon davrasida barcha uchun manzur bo'ladi. Aziz bekajonlar retseptni saqlab qolishni unutmang!
Kerakli masalliqlar:
- 0,5 kg mol go'shti (suyaksiz qismi)
- 0,25 stakan guruch
- 1 dona piyoz
- ta'bga ko'ra tuz va murch
- 400 gramm uzum bargi
Tayyorlash usuli:
1. Guruchni qaynating va sovuting.
2. Go'sht qiymasiga tuz, murch va mayda to'rg'algan piyozni birlashtiring. Oz-oz qismdan suvni quyib, aralashtiring (taxminan 70-100ml suv). Qiyma bir xil aralashishi lozim. Sovutilgan guruchni qiyma bilan uchrashtiring.
3. Uzum barglarini yuving va issiq suvga uyuting. So'ng, birma-bir olib, bargning teskari tomoniga qiymadan soling va rulet shaklida o'rang.
4. Kastryulkaning tag qismini qolgan uzum barglari bilan berkiting. Ustidan esa do'lmalarni, zich holda, chokini pastga qilgan holda terib chiqing.
5. Qolgan uzum barglari bilan do'lma ustini yoping va sovuq suv quying. Suvni shunday quyingki 1,5-2 sm do'lmadan tepa bo'lsin. Qaynash darajasiga olib boring, olovni pastlating va qopqoq ostida 40-45 daqiqa davomida tayyorlang.
Yoqimli ishtaxa!