Aziz bekajonlar go'zal pishiriqni dasturxonga tortishning noan'anaviy usulini taqdim etaman. Ushbu usulda tayyorlangan pirog oddiy, olmali pirog bo'libgina qolmay. Balki, tayyorlash jarayoni ham juda qiziqarli. Ajoyib va mazali pirogni albatta tayyorlang va retseptni saqlab qolishni unutmang!
Kerakli masalliqlar:
- 1200 gramm olma
- 6 dona tuxum
- 300 gramm shakar
- 300 gramm un
Tayyorlash usuli:
1. Tuxumni shakar bilan birga oppoq tusga kirgunga qadar ko'pirtiring.
2. Extiyotkorlik bilan unni soling va ko'pirtirishda davom eting.
3. Olmani tozalang va katta-katta bo'laklarga bo'ling.
4. Tayyorlangan quyuq xamirni yog' surtilgan ko'zachalarga, yarimigacha quying.
5. Ustiga olma bo'laklaridan soling. 180 darajada qizdirilgan pechda, 30 daqiqa davomida pishiring.
6. Tayyor pirogni shakar kukuni yoki muzqaymoq bo'lagi va yalpiz shoxchasi bilan bezating. Pirog tayyor!
Yoqimli ishtaxa!
