Internet olamiga nazar solsangiz pishiriqlarning turli xil retseptlari mavjud. Biroq, aziz bekajonlar bugun e'tiboringizga yoz mavsumiga munosib, ajoyib va juda ham mazali pirog retseptini taqdim etaman. Ushbu pirog har qanday dasturxondan o'zining yorqin o'rnini egallovchi pirog. Aziz bekajonlar pirogni albatta sinab ko'ring va retseptni saqlab qoling!
Kerakli masalliqlar:
- 200 gramm un
- 100 gramm saryog'
- 3-4 osh qoshiq suv
- 4 dona tuxum
- 100 ml smetana
- 1 dona piyoz
- 1 dona sarimsoq tishchasi
- 150-200 gramm ismaloq
- 1 osh qoshiq o'simlik yog'i
- ta'bga ko'ra tuz, muskat yong'og'i va murch
- 2-3 dona qaynatilgan tuxum
Tayyorlash usuli:
1. Birinchi navbatda pirog uchun xamirni tayyorlang. Tog'orachada tuz, un va muzdak holatdagi saryog'ni qirg'ichdan chiqarib, birlashtiring. Qo'lingizda ushoqlang. 3-4 osh qoshiq sovuq suv qo'shing va qoshiqda bir xil massa holigacha aralashtiring. Tezlik bilan xamir qoring. Tayyor xamirni yog' surtilgan qolipga, devorlari bo'ylab yoying. Qolipga yoyilgan xamirni 30 daqiqaga muzlatgichga joylang.
2. Piyoz, ismaloq va sarimsoq donachasini mayda to'rg'ang. Piyozni qizdirilgan yog'da yaltiroq tusga kirgunga qadar qovuring, ismaloq va sarimsoqni soling va 3 daqiqa tayyorlang. Olovdan oling va tuz, murch bir chimdim muskat yong'og'i soling. Ismaloqli asosni xamir ustiga soling.
3. Tuxum va smetanani ko'pirtiring. Ta'bga ko'ra tuz va murch soling. Tuxumli massani ismaloqli asos ustiga quying. Ustiga pishirilgan tuxum bo'laklarini tering.
4. Pirogni 210 darajada qizdirilgan pechga qo'ying. 5 daqiqadan so'ng, pech darajasini 190 ga tushuring va 30-35 daqiqa davomida pishiring. Bu vaqt mobaynida pirog yengil tilla tusga kirishi lozim. Pirog tayyor!
Yoqimli ishtaxa!