Verzere - bu moldavan oshxonasining milliy taomi, karamli asos bilan tayyorlangan kichik piroglardir. Ushbu pishiriqni asosini tuzlangan yoki yangi karam bilan to'ldirishingiz mumkin. Aziz bekajonlar ular juda ham oz miqdordagi masalliqlardan tayyorlanadi. Pirog uchun tayyorlangan xamir juda ham itoatkor biroq, tayyor bo'lgach og'izda eruvchi va qarsildoq bo'lib tayyorlanadi. Ushbu pishiriq bekajonlar uchun ajoyib topilma. Retseptni saqlab qoling!
Kerakli masalliqlar:
- 100 ml suv (xamir uchun)
- 100 ml o'simlik yog'i (xamir uchun)
- 0,5 choy qoshiq tuz (xamir uchun)
- 1,5-2 stakan un (xamir uchun)
- 300 gramm karam (asosiga)
- 1 dona piyoz (asosiga)
- 1/4 bog' ko'k piyoz (asosiga)
- 1 dona tuxum (surtish uchun)
Tayyorlash usuli:
1. Tog'orachada issiq suv, o'simlik yog'i va tuzni birlashtiring.
2. Qismlarga bo'lib, unni soling. Xamirni avvaliga qoshiqda aralashtiring so'ng, qo'lda xamir qoring. Xamirni uzoq vaqt qorishning hojati yo'q. Xamir cho'ziluvchan va yumshoq bo'lishi lozim.
3. Tayyor xamirni oshxona sochig'i bilan yoping va 30 daqiqaga chetga olib qo'ying.
4. Asosni tayyorlashga kirishing. Bordiyu tuzlangan karamdan foydalansangiz sharbatidan siqib oling. Yangi karam bo'lsa, mayda qilib to'rg'ang.
5. Tovada, qizdirilgan o'simlik yog'ida mayda to'rg'algan piyozni yaltiroq tusga kirgunga qadar qovuring. Ketidan karamni solgan holda yengil qovuring.
6. Asosni oling va mayda to'rg'algan ko'k piyozni birlashtiring va butunlay sovutishga qoldiring. Ta'bga ko'ra tuz va murch solishni aslo unutmang.
7. Xamirni 12 bo'lakka bo'ling (aslo undan foydalangmang).
8. Avvaliga xamirni uzun, kolbasasimon shaklga kirgizing.
9. Kolbasasimon xamir bo'lagini oshxona taxtasida, to'g'ri to'rtburchak shaklda yoying.
10. Xamirning bir chetiga, 1 osh qoshiq asosdan soling.
11. Avvaliga xamirning chetlarini ichki qismiga buklang. So'ng, rulet shaklida o'rang.
12. Piroglarni pergament qog'ozi yozilgan qolipga tering. Yengil ko'pirtirilgan tuxum bilan surting. 190 darajada qizdirilgan pechda, 20 daqiqa davomida pishiring.
13. Tayyorlangan mitti piroglarning ustki qismi qarsildoq, ichki qismi esa qatlamli bo'lib tayyorlanadi. Piroglar tayyor!
Yoqimli ishtaxa!