Aziz bekajonlar tez tayyorlanadigan shuningdek, juda ham ajoyib va mazali kotlet retsepti bilan tanishing. Ushbu kotletlar aynan siz uchun. Kerakli masalliqlarni esa har bir bekaning muzlatkichidan topish mumkin. Saryog' qo'shib tayyorlangan ushbu kotletlar o'z namligini yo'qotmagan holda tayyorlanadi. Albatta sinab ko'rishni unutmang!
Kerakli masalliqlar:
- 800 gramm tovuq go'shti (filesi)
- 250 ml qaymoq (20%)
- 150 gramm saryog' (muzlatilgan)
- ta'bga ko'ra tuz va murch
- 300 gramm oq non bo'lagi
- 1/2 dona baton noni
- o'simlik yog'i (qovurish uchun)
Tayyorlash usuli:
1. Oq non bo'laklarini qaymoqda uyuting. Baton nonini muzlatgich muzxonasiga joylang.
2. Tovuq go'shtini go'sht qiymalagichdan ikki marotaba chiqaring. Birinchi marotaba go'shtning o'zini, ikkinchi marotaba qaymoqda uyutilgan non bo'laklari bilan birga. Non bo'laklarini qaymoqdan qattiq siqib olmang. Ta'bga ko'ra tuz va murch soling.
3. Muzxonada yaxlab yotgan saryog'ni qirg'ichdan chiqaring.
4. Saryog'ni qiyma bilan uchrashtiring.
5. Birlashtirilgan masalliqlarni sanchqi yordamida aralashtiring va tayyor qiymani 1,5-2 soatga muzlatgichga olib qo'ying. Qiyma qanchalik muzdak holatda bo'lsa, kotlet shunchalik o'z namligi yo'qotmay tayyorlanadi.
6. Bu vaqt mobaynida kotlet uchun panirovkani tayyorlang. Baton nonini qirg'ichning katta tomonidan chiqaring.
7. Pergament yozilgan pishirish qolipiga soling va bir necha daqiqa davomida, pechda quritib oling. Non ushog'i yengil tilla tusga kirishi lozim.
8. Go'sht qiymasidan oval shaklida kotletlar tayyorlang va panirovkaga yumalatib oling.
9. Kotletlarni tovada qizdirilgan yog'da, har tomonlama 2-3 daqiqa davomida qovuring. So'ng, kotletlarni pishirish qolipiga tering va pechda 20-25 daqiqa pishirishni davom ettiring. Belgilangan vaqt o'tib, tayyor kotletlarni dasturxonga torting.
Yoqimli ishtaxa!