Quritilgan mevalar bilan tayyorlangan ajoyib pirog retsepti bilan tanishing. Pirog uchun foydalanilgan masalliqlar bir-biri bilan kirishib, nozik va ajoyib ta'mni sizga taqdim etadi. Har qanday dasturxonda o'zining yorqin o'rnini egallovchi pirog. Lazzatbaxsh ushbu pirogni albatta sinab ko'ring!
Kerakli masalliqlar:
- 200 gramm olma sharbati
- 200 gramm un
- 125+100 gramm shakar (xamir va sous uchun)
- 250 gramm qora olxo'ri
- 250 gramm o'rik qoqisi
- 10 gramm limon sharbati
- 5 gramm oziq-ovqat sodasi
- 75 gramm o'simlik yog'i
- 2 grammdan dolchin va vanilin shakari
- 50 gramm yong'oq
- 400 gramm o'rmon mevalari sous uchun (malina, smorodina va boshqalar)
- 12 gramm kraxmal
Tayyorlash usuli:
1. Shakar, vanilin shakari, dolchin va olma sharbatini birlashtiring.
2. Oziq-ovqat sodasini limon sharbati yordamida o'ldirib oling va olma sharbati bilan birlashtiring va ko'pirtiring.
3. Yong'oqni maydalang va quruq tovada qovuring, sovuting.
4. Ko'pirtirilayotgan masalliqlar bilan unni uchrashtiring va aralashtiring.
5. Qora olxo'ri va o'rik qoqisini issiq suvda yumshating va quriting. So'ng, maydalang.
6. Mevalarni tayyorlangan xamirga soling. Pastdan yuqoriga harakatlangan holda aralashtiring.
7. Pishirish qolipini o'simlik yog'i bilan surting.
8. Xamirni quying va qolipni 1-2 marta silkiting. Pirogni 150 darajada qizdirilgan pechda 1 soat davomida pishiring.
9. Belgilangan vaqt o'tib tayyor pirogni sovuting va qolipdan ajratib oling.
10. Sousni tayyorlang. O'rmon mevalarini shakar va kraxmal bilan birlashtiring. O'rta olovda, doim aralashtirgan holda, shakar erigunga qadar qizdiring.
11. Tayyor pirogni bo'laklarga bo'ling. Pirogni dasturxonga tortishdan avval har bir pirog bo'lagini mevali sous bilan quying va dasturxonga torting. Pirog tayyor!
Yoqimli ishtaxa!