Aziz bekajonlar ajoyib taom retseptini qarshi oling. Bunday taomni issiq holda, har qanday garnir bilan sovuq holda esa gazak sifatida dasturxonga tortishingiz mumkin. Bunday ajoyib taomdan dasturxon davrasida barcha mamnun bo'lishi turgan gap. Mazali taomni albatta sinab ko'ring!
Kerakli masalliqlar:
- 4 dona tovuq go'shti (filesi)
- 100 gramm tozalangan pista
- 60+40 gramm saryog'
- 1 stakan quritilgan non ushog'i
- 1 dona+1 osh qoshiq limon po'sti
- 2 dona bulg'or qalampiri
- 1 osh qoshiq xantal sousi
- ta'bga ko'ra tuz va murch
- 1 osh qoshiq zaytun yog'i
- 1/2 dona piyoz
- 2-3 dona timyan shoxchasi
- 1 stakan suv
- 2 osh qoshiq sirka
- 1 osh qoshiq balzamli sirka
- 500 gramm kartoshka
- 100 ml sut
Tayyorlash usuli:
1. Sous. Tozalab, 2-4 qismga bo'lingan bulg'or qalampirini pergament qog'ozi yozilgan qolipga tering va 220 darajada qizdirilgan pechda, 20-25 daqiqa davomida pishiring. So'ng, to'rtburchak shaklda to'rg'ang.
2. Piyozni tozalang va mayda to'rtburchak shaklda to'rg'ang.
3. Tovada qizdirilgan zaytun yog'ida piyozni yaltiroq tusga kirgunga qadar qovuring.
4. Bulg'or qalampirini piyoz bilan uchrashtiring va bir necha daqiqa qovuring.
5. Ikki xil sirkani, qaynoq suv, qirg'ichdan chiqarilgan limon po'sti va timyanni soling. Sousni bor suyuqlik parlanib chiqib ketgunga qadar tayyorlang va blender yordamida pyurelab oling.
6. Rulet uchun asos. Pista mag'izlarini maydalang va tog'orachada yumshatilgan saryog', non ushog'i, limon po'sti, xantal va timyanni birlashtiring.
7. Bir xil massa holigacha aralashtiring.
8. Rulet. Har bir tovuq go'shti filesini o'tkir pichoq yordamida, ikki qismga bo'ling. Biroq, oxirigacha kesib yubormang. Natijada kitob varog'i ochilgandek varoq hosil bo'lsin. Oziq-ovqat plonkasi bilan yoping va oshxona bolg'asi bilan yengil urib chiqing.
9. Go'sht varog'ining bosh qismiga asosdan soling.
10. Rulet shaklida o'rang. Qolgan masalliqlar bilan ham shu bosqichni takrorlang. Har bir ruletni oziq-ovqat plonkasi yoki ipi bilan o'rang. Kastryulkada suvni qaynating va har bir ruletni past olovda, 25 daqiqa davomida pishiring.
11. Kartoshka pyuresi. Aloxida kastryulkada tozalangan kartoshkani, butunlay tayyor bo'lgunga qadar pishiring. Suvdan ajratib oling va saryog' sutni qo'shgan holda kartoshka pyuresini tayyorlang. Ta'bga ko'ra tuz va murch soling.
12. Laganga solingan kartoshka pyuresi ustiga bo'laklarga bo'lingan ruletni va bulg'or qalampiridan tayyorlangan sousni solgan holda taomni dasturxonga torting. Mazali taom tayyor!
Yoqimli ishtaxa!