Bugungi kunda tovuq go'shtidan turli-tuman mazali taomlar tayyorlash mumkin. Aziz bekajonlar e'tiboringizga shunday ajoyib va mazali taomdan birini taqdim etishni lozim topdim. Mayonezli sousda tayyorlangan tovuq go'shti nozik va juda ham ajoyib bo'lib tayyorlanadi. Ushbu tayyorlangan taom tushlik va kechki ovqat dasturxonlarida barcha uchun ma'qul bo'ladi. Retseptni saqlab qolishni unutmang!
Kerakli masalliqlar:
- 600 gramm tovuq go'shti (filesi)
- 350 gramm mayonez
- 150 ml o'simlik yog'i
- 100 ml suv
- ta'bga ko'ra ko'kat
- 1 bosh sarimsoq
- ta'bga ko'ra tuz va murch
Tayyorlash usuli:
1. Tovuq go'shti filesini o'rta qalinlikda, bo'laklarga bo'ling.
2. Tovada qizdirilgan o'simlik yog'ida, go'sht bo'laklarini, har tomonlama tilla tusga kirgunga qadar qovuring.
3. Bu vaqt mobaynida sousni tayyorlang. Buning uchun: tog'orachada mayonez va suvni ko'pirtiring va maydalangan sarimsoqni qo'shing. Go'sht bo'laklarini tayyorlangan sousga cho'mdiring.
4. Maydalangan ko'katni seping va o'rta olovda 15 daqiqa davomida dimlang. Birzumda mazali taom tayyor!
Yoqimli ishtaxa!