Bekajonlar e'tiboringizga tarixiy, X asrdan to bizning davrimizga qadar hali xanuz tayyorlanib kelayotgan pishiriq retseptini taqdim etaman. Bunday pishiriq o'zining nozikligi, ajoyib ta'mi bilan har qanday dasturxondan o'zining yorqin o'rnini egallashi turgan gap. Pishiriqni tayyorlash jarayonida hech qanday murakkabliklarga duch kelmaysiz. Aksincha ushbu pishiriq birzumda tayyorlanishi bilan sizga ma'qul bo'ladi.
Kerakli masalliqlar:
- 2 stakan un+1 choy qoshiq
- 1 stakan asal
- 1 stakan shakar
- 0,5 stakan o'simlik yog'i
- 0,5 stakan achchiq qaxva
- 2 dona tuxum
- 2 choy qoshiq qabartma
- 0,5 choy qoshiq oziq-ovqat sodasi
- 1 choy qoshiq dolchin
- 1 dona apelsin
- 0,5 stakan yong'oq
- 0,3 stakan mayiz
- bir chimdim tuz
Tayyorlash usuli:
1. Tuxum va shakarni tog'orachada birlashtiring va yorqin tusga kirgunga qadar ko'pirtiring.
2. Ko'pirtirishni to'xtatmagan holda, o'simlik yog'i, asal va sovuq holdagi qaxvani quying. Yaxshilab aralashtiring.
3. Aloxida idishda un, tuz, qabartma, soda va dolchinni birlashtiring. Apelsin po'stini qirg'ichdan chiqargan holda unli massaga qo'shing. Unli va tuxum-asalli massani birlashtiring va bir xil, silliq xamir holiga kelgunga qadar aralashtiring.
4. Maydalangan yong'oq va mayizni 1 choy qoshiq un bilan aralashtiring va xamirga soling.
5. Pechni 180 darajada qizdiring. Pishirish qolipini yog' bilan surting va pergament qog'ozi to'shang. Xamirni quying, qolipni silkiting. Pishiriqni 1 soat 20 daqiqa davomida pishiring. Pishiriqni qolipda sovuting. So'ng, qolipdan oling va folga qog'oziga o'rab, 2-3 mobaynida, xona haroratida saqlang.
6. Ushbu pishiriqning ajoyib ta'mga ega bo'lishining siri ham aynan shu 2-3 mobaynida saqlanishida. Pishiriqga qo'shilgan hushbo'y ziravorlar o'zining hushta'mligini butunlay pishiriqda namoyon qiladi. Asalli gilam shirinligi tayyor!
Yoqimli ishtaxa!