Xantalli sousda tayyorlangan mana bunday tovuq go'shti kechki ovqat uchun ajoyib tanlov! Birzumda tayyor bo'luvchi mazali taom sizga va yaqinlaringizga juda ham manzur bo'ladi. Bunday taomga garnir sifatida kartoshka pyuresi, sabzavotlar dimlamasi va parda tayyorlangan guruchni tayyorlash maqsadga muvofiq bo'ladi. Aziz bekajonlar taqdim etilgan taomdan mamnun bo'lasiz degan umiddaman. Retseptni saqlab qolishni unutmang!
Kerakli masalliqlar:
- 4 dona terisiz tovuq filesi
- 2 osh qoshiqdan zaytun va saryog'
- 3 dona sarimsoq tishchasi
- 1 osh qoshiqdan 2 xil xantal
- 1/4 piyola qaymoq
- 1/4 piyola tovuq go'shti bulyoni
- ta'bga ko'ra tuz va murch
Tayyorlash usuli:
1. Tovuq go'shti filesini har birini 2 qismga bo'lib chiqing. Har tomonlama tuz va murch sepib, ishqalang.
2. Katta tovada, o'rta olovda zaytun va saryog'ni qizdiring. Go'sht bo'laklarini har tomonlama, tilla-jigarrang tusga kirgunga qadar qovuring va laganga suzib oling.
3. Olovni paslating va sarimsoq donachalarini aralashtirgan holda, 1daqiqa davomida qovuring. Xantal xillarini soling, aralashtiring.
4. Qaymoq va tovuq go'shti bulyonini quying. Sous quyuq bo'lsa, u holda bulyondan yana bir qism quying.
5. Sousga go'sht bo'laklarini tering, sousga cho'mgan go'sht bo'laklarini 3-4 daqiqa davomida tayorrlang.
6. Xantal sousida tayyorlangan tovuq go'shtini sous va garnir bilan dasturxonga torting. Taom tayyor!
Yoqimli ishtaxa!