Hushbo’y va ishtahaochar, tvorog bilan pishirilgan vatrushka sehrli ekanligini bilarmidingiz? U holda darhol tayyorlashga kirishing. Tez va oson tayyorlanadigan vatrushka ertalabki nonushta yoki tushlik, kechki ovqatdan so'ng, ajoyib desert o'rnini egallaydi. Bekajonlar ushbu vatrushkani bir bor sinab ko'rishni ortga tashlamang!
Kerakli masalliqlar:
Xamir uchun:
- 240 gramm un
- 100 gramm shakar
- 150 gramm saryog'
Asosiga:
- 500 gramm tvorog
- 1/2 choy qoshiq ichimlik sodasi
- bir chimdim vanilin
- 100 gramm shakar (yoki ta'bga ko'ra)
- 3-4 dona tuxum
- 1/2 choy qoshiq tuz
Tayyorlash usuli:
1. Sovuq holdagi saryog'ni qirg'ichning katta tomonidan chiqaring. Shakar va unni soling.
2. Saryog' erib ketmasligi uchun tezlik bilan kaftingiz yordamida ushoqlang.
3. Yumaloq shakldagi pishirish qolipining tag qismiga pergament qog'ozi yozing, devorlarini esa saryog' bilan surting. Tayyorlangan ushoqli xamirni 2/3 qismini solib, zich holda, devorlari bo'ylab yoyib chiqing.
4. Tvorogni sanchqi yordamida ezing, ichimlik sodasi, tuz, vanilin va shakarni seping. Aralashtiring.
5. Tuxumni birma-bir soling. Har bir tuxum solingandan so'ng, massani yaxshilab aralashtiring.
6. Tayyorlangan tvorogli massa smetanadek quyuq bo'lishi lozim.
7. Tvorogli massani xamir ustidan quying, tekislang. Qolgan ushoqli xamirni seping. Qirol vatrushkasini 200 darajada qizdirilgan pechga qo'ying.
8. 40-45 daqiqa davomida pishiring. Vatrushkaning ustki qismi yengil tilla tusga kirishi lozim.
9. Tayyor vatrushkani qolipda butunlay sovuting. So'ng, bo'laklarga bo'lib, dasturxonga tortiq qiling. Qirol vatrushkasi tayyor!
Yoqimli ishtaxa!
