Original sous bilan birga tayyorlangan kurka go'shti ajoyib kechki ovqat dasturxonidan ko'rkam o'rin egallaydi. Kundalik taomnomaga o'zgartirish kiritib, ushbu taomni tayyorlang va yaqinlaringizga hushkayfiyat ulashing. Aziz bekajonlar ushbu usulda tayyorlangan kurka go'shti uchun hohishingizdagidek garnir tayyorlashingiz mumkin.
Kerakli masalliqlar:
- 150 gramm yumshoq pishloq
- 200 ml 10-11% qaymoq
- 600 gramm kurka go'shti filesi
- 20 ml o'simlik yog'i
- 1/4 choy qoshiq tuz va murch
Tayyorlash usuli:
1. Pishloqni kichik bo'laklarga bo'ling va past olovga qo'ying.
2. Pishloq erishni boshlashi bilanoq qaymoqni quying va qaynash darajasida olib boring. Olovni o'chiring. Bir xil konsistensiya hosil bo'lmasa aslo havotirlanmang.
3. Kurka go'shtini tolasi bo'ylab, 1,5-2 sm qalinlikda, bo'laklarga bo'ling.
4. Go'sht bo'laklarini o'rta olovda, tilla tusga, butunlay tayyor bo'lgunga qadar qovuring. Tuz va murch sepish hayolingizdan ko'tarilmasin.
5. Kurka go'shtini issiq holda, sousga cho'mdirgan holda dasturxonga torting. Kechki ovqat dasturxoni uchun ajoyib taom tayyor!
Yoqimli ishtaxa!