Bugungi kunda makli ruletning ko'plab retseptlari mavjud. Biroq, bugun sizlarga tez va oson tayyorlanadigan rulet retseptini taqdim etaman. Aziz bekajonlar birzumda tayyor bo'luvchi mazali ruletni tayyorlab, albatta yaqinlaringizga ulashing. Retseptni saqlab qolishni unutmang!
Kerakli masalliqlar:
- 750 gramm xamirturushli xamir
- 500 gramm mak
- 100 gramm saryog'
- 100 gramm asal
- 10 osh qoshiq shakar
- 250 ml sut
Tayyorlash usuli:
1. Birinchi navbatda xamirturushli xamirni tayyorlab oling.
2. Makni 8-10 daqiqaga qaynoq suvga cho'ktiring. Belgilangan vaqt o'tib, suvni almashtiring va yana 5 daqiqaga uyuting.
3. Makni suvdan siqib, ajratib oling. Shakar bilan aralashtiring. Aralashmani go'sht maydalagichdan chiqarishni boshlang.
4. Makli massani kastryulkaga soling, saryog', asal bilan aralashtiring va ozroq sut quying. Sut oz-ozdan asos tayyorlash jarayonida quyiladi. Makli massani juda ham past olovga qo'ying. Doim aralashtirgan holda, sutni oz-ozdan quyib, asosni 1 soat davomida tayyorlang. Asos suyuq bo'lmasligi lozim. Asosni sovuting.
5. Navbatini kutib turgan xamirni o'rtacha darajada yupqa, to'rtburchak yoki to'rtburchak oval shaklda yoying.
6. Xamirni sochiq ustiga oling va asosni solib, yoyib chiqing. Extiyotkorlik bilan rulet shaklida o'rang.
7. Tuxumni ko'pirtiring.
8. Pechni 180 darajada qizdiring. Ruletni pergament qog'ozi yozilgan qolipga qo'ying. Rulet ustini tuxum bilan surting va 10 daqiqaga qoldiring. 10 daqiqadan so'ng, ruletni pechga qo'yganingizdan boshlab, har 10 daqiqada pech darajasini 20 darajada pastlatib boring. Ruletni 30-40 daqiqa davomida pishiring. Ruletni oshxona panjarasida sovuting va bo'laklarga bo'ling. Rulet tayyor!
Yoqimli ishtaxa!