Bekajonlar taqdim etiladigan taomni tayyorlash sizga zavq bag'ishlab, natijada juda ham mazali taom tayyor bo'ladi. Mazali taomni tayyorlash uchun vaqtingizni kuni bo'yi oshxonada o'tkazishingiz shart emas. Aksincha, birzumda mazali taomni tayyorlay olasiz. Faqatgina ushbu taomni tayyorlashni sinab ko'rishingiz kifoya. Retseptni saqlab qolishni aslo unutmang!
Kerakli masalliqlar:
- 1 osh qoshiq saryog'
- 1/2 piyola piyoz
- 2 dona sarimsoq tishchasi
- 500 gramm kurka go'shti qiymasi
- 1 dona tuxum
- 1/2 piyola quritilgan non ushog'i
- 1/2 osh qoshiq petrushka (quritilgan)
- 1 choy qoshiq murch (ta'bga ko'ra)
- 1/4 choy qoshiq muskat yong'og'i kukuni
- Sous uchun:
- 400 gramm bulyon
- 3 osh qoshiq un
- 1/2 osh qoshiq qurigan petrushka
- 1/4 choy qoshiq murch
- 1/2 choy qoshiq tuz
- 1/4 piyola smetana
Tayyorlash usuli:
1. Qiymani murch, muskat yong'og'i, tuz, petrushka, non ushog'i va tuxum bilan birlashtiring.
2. Kichkina tovada saryog'ni qizdiring. Mayda to'rg'algan piyoz va sarimsoqni solib, 2-3 daqiqa davomida qovuring. Sovuting. Qovurilgan piyozli massani qiyma bilan birlashtiring. Aralashtiring.
3. Diametri 2,5 sm bo'lgan sharchalar yasang. Sharchalarni qizdirilgan yog'da, tayyor bo'lgunga qadar qovuring.
4. Sousni tayyorlashga kirishing. Buning uchun: frikadelkalar qovurilgan tovaga unni soling, bulyonni quying. Masalliqlar bir-biri bilan kirishgunga qadar aralashtiring.
5. Ushbu aralashmaga petrushka, murch va tuzni soling. Qaynash darajasiga olib boring.
6. Sous qaynagach olovni pastlating. Frikadelkalar va smetanani soling. Past olovda 10-15 daqiqa dimlang.
7. Taom mazali tayyor bo'lishining bir siri belgilangan vaqtdan o'tkazib yubormaslik. Tayyor taomni har qanday garnir bilan dasturxonga tortishingiz mumkin. Taomni ko'kat bilan bezating.
Yoqimli ishtaxa!