Gilos mavsumida shunday shirinliklarni tayyorlasangiz bormi? Kattalar va bolajonlarga birdek ma'qul bo'lishi turgan gap. Aziz bekajonlar barcha uchun manzur bo'luvchi, shokoladli savatchalarni gilos mevasi o'zining yorqin mazasi bilan to'ldiradi. Bekajonlar ushbu mazali savatchalarni albatta sinab ko'ring!
Kerakli masalliqlar:
- 175 gramm un
- bir chimdim tuz
- 85 gramm saryog'
- 85 gramm shakar
- 3 dona tuxum sarig'i
- 350 gramm gilos
- 3 osh qoshiq shakar
- 1 osh qoshiq konyak ta'bga ko'ra
- 250 gramm qora shokolad
- 225 gramm qaymoq
Tayyorlash usuli:
1. Savatchani tayyorlash uchun: un, tuz va bo'laklarga bo'lingan saryog'ni ushoqlang. 85 gramm shakarni soling va massa o'rtasida chuqurcha hosil qiling. Tuxum sarig'ini solib, xamir qoring. Xamirni oziq-ovqat plonkasiga solib, 30 daqiqaga muzlatgichga qo'ying.
2. Savatcha uchun asosni tayyorlang. Gilosdan 12 dona bezatish uchun olib qo'ying. Danagidan ajratilgan gilos, shakar va konyakni kastryulkachada birlashtiring. Shakar butunlay erigunga qadar qaynating.
3. Xamirni 4 qismga bo'ling. Tartaletka uchun maxsus qolipga yoyib chiqing. Xamirni sanchqi bilan saying. 190 darajada qizdirilgan pechda, tilla tusga kirgunga qadar pishirib oling (7-8 daqiqa).
4. Qaymoqni isiting, biroq qaynatib yubormang. Suv xammomida eritilgan shokoladni soling va bir xil konsistensiya hosil bo'lgunga qadar aralashtiring.
5. Tayyor bo'lgan savatchalarga birinchi navbatda siropda tayyorlangan gilosdan soling. Shokoladli kremdan quying va gilos donasi bilan bezating. Mazali savatchalar tayyor!
Yoqimli ishtaxa!