3 ліпеня, у Дзень незалежнасці Рэспублікі Беларусь, 75-годдзя вызвалення Беларусі ад нямецка-фашысцкіх захопнікаў, а таксама вызвалення Смаргонскага раёна, свята ладзілася ў гарадскім парку. Тут працавалі творчыя пляцоўкі:
“Беларусь самабытная”, дзе ладзіўся гала-канцэрт пераможцаў раённага агляду-конкурсу “Распахнем акенца творчасці і былі падведзены вынікі фотаконкурсу “Мужнасць застанецца ў вяках”.
“Беларусь маладзёжная”. З канцэртнай праграмай выступалі дзіцячыя, маладзёжныя калектывы і асобныя выканаўцы, праводзіліся інтэрактыўныя гульнёвыя праграмы культарганізатарамі раёна.
“Беларусь спартыўная”. Гульня ў валейбол, спаборніцтвы па дартсу, турнір па шахматах.
“На варце мірнай Беларусі”. На стадыёне былі выстаўлены аўтамабілі райаддзела па надзвычайных сітуацыях, гарадскога аддзела “Ахова”, райаддзела міліцыі, спецсродкі, зброя.
Юрый ЯНУШКЕВІЧ.
Фота аўтара.