Мобил телефонлар бозорида муваффақиятли рақобат қила олиш учун бугунги кунда, ишлаб чиқарувчилар янгидан янги ғояларни киритиб, қўшимча функциялар ва қурилманинг ташқи кўринишини яхшиламоқдалар. Билсангиз керак бундан тахминан 10 йил аввал турли хил кўриниш ва дизайнга эга телефонлар ишлаб чиқарилган, ҳозирги кунда эса кўплаб аппаратлар деярли бирхил кўринишга эга. Хозирги телефонлар аксарият қисмининг фарқи ташқи кўринишда эмас балки қурилманинг ички техник таъминотидан иборат. Демак бугун биз сизларга мобил телефонлар бозорида ўзига хос хусусиятлар билан ажралиб турувчи смартфонлар ҳақида айтиб берамиз.
Huawei P30 Pro
Huawei компаниясининг янги флагман смартфонинг ноёблиги унинг камераларидадир. DxOMark фото ва видео кўрсаткичларни баҳолаш рейтинги бўча у бугунги кунда 1 ўринни эгаллайди. Суратларнинг ўта юқори сифатини перископик шаклга эга бўлган телефото объектив таъминлайди. Камерани 5 карра оптик яқинлаштириш хусусияти эса дунёда бошқа ҳеч қайси смартфонда ҳозирча йўқ . Смартфон акустик дисплей билан жихозланган, у телефонда сухбатлашиш динамиги сифатида фаолият юритади. Шунингдек p30 2019 йилнинг деярли трендига айланган дисплей остига бармоқ изларани англаш сканери ҳам ўрнатилоган. Смартфоннинг бошқалардан яна бир устиворлиги унинг комплектацияси тезкор 40Вт қувватга эга бўлган адартер билан жихозланганлигидир. Ярим соатда 70% қувват олувчи ушбу смартфон бозорда деярли рекорд ўрнатган. Юқоридаги барча афзалликлар Huawei P30 Pro смартфонинг ноёблигини белгилайди, аммо улардан менимча энг муҳими унинг ажоиб камерасидир.
Nokia 9 PureView
Мобил телефонлар бозорида бир пайтлар энг муваффақиятли ва етакчи бўлган компания бир неча мурраккаб йиллар навбатидан сўнг жахон бозорига қайтди.
HMD global компанияси Nokia бренд номни 350 миллион долларга сотиб олиб, унга иккинчи ҳаётни баҳш этди. Бугунги кунда ушбу бренд остида турли хил нархларда Андроид смартфонлар ишлаб чиқарилмоқда.
2019 йили йирик ишлаб чиқарвучи компания ноёб кўринишга эга бўлган Nokia 9 PureView деб номланган смартфонни ишлаб чиқарди. Ўзига хос смартфон биринчи ўринда камералар ҳисобига эътибор тортади. Қурилманинг орқа тарафида 5 та камера жойлашган бўлиб, улардан учтаси монохром, иккитаси ранглидир. Суръатга олиш жараёнида бир кадрни 5 камера баробарига амалга оширади. Сўнгра дастурий таминот ердамида камералардан қабул қилинган маълумотлар қайта ишланади ва натижада биз RAW-форматидаги суратни олишимиз мумкин.
RAW формати бу бевосида камера матритсасидан олинган ва дастурий таминотлар билан ишлов берилмаган соф сигналларнинг тўпламидир. Бу фотографга суратни қайта ишлашда кўпроқ имкониятлар ва таъсирладан фойдаланиш имконини беради.
Инглиз тилида RAW «хом ёки таёр эмас» деган маънони англатади. Ушбу форматдаги файл хали расм эмас. Яни таъсвирнинг контрастлик, ёрқинлик, экспозиция, оқ мувозанат, аниқлик ва тўйинганликнинг параметрларини ўзгартириш имконияти одий Jpeg расмга нисбатан анча кенг бўлади.
Nokia 9 PureView смартфонининг расмга олган тасвирнинг хажми 50 Мбни ташкил этади, чунки, ушбу расмни сиз ўз ихтиёризга биноат таҳрир қилишингиз, ҳохишга қараб қоронғуликка тушган деталларни ёруғга олиб чиқиш ёки аксинча ёруғликни олиб ташлашингиз ва ҳоказо амаллани бажаришингиз мумкин.
Ижобий томонлардан яна бири шуки, Google компанияси ушбу смартфон учун махсус фототаҳрир дастурини яратди, шунинг учун ҳар бир суратни бевосита смортфонни ўзида тўғрилаш ва таҳрир қилиш мумкин. Афсуски бу телефоннинг бундан бошқа биронта ноёб жиҳати йўқ лекин унинг техник курсаткичлари хам ёмон деб булмайди. Қурилманинг процессор Snapdragon 845, OLED-дисплей, катта хажмга эга бўлмаган батарея – барчаси 2019 флагмани учун одатий хол.
OnePlus 7 Pro
Агар сиз смартфонлар билан қизиқсангиз, эҳтимол OnePlus компанияси ҳақида ешитган бўлсангиз керак. Бир неча йил ичида бу хитой ишлаб чиқарувчиси содиқ ва вафодор мухлислар армияси тўплашга ериша олди. 2019 йили OnePlus бренди остида янги флагман OnePlus 7 pro намоиш этилди. Бугунги кунда у энг янги UFS 3.0 хотира турига эга бўлган аппарат ҳисобланади. Бу эса унга ўқиш ва ёзиш тезлиги максимал эканлигидан далолат беради.
· Ўқиш тезлиги: секундига 1441 Мб
Samsung s10 UFS 2.1 - 728 Мб / Iphone XS emmc – 868 мб
· Ёзиш олиш тезлиги сониясига: 381 Мб
Samsung s10 эса сониясига 193 Мб Iphone XS emmc – 228мб
Энг охирги Snapdragon 855 процессори билан қурилма юқори ишлаш самарасини кўрсатади. Ижобий томонлардан яна биттаси шуки, OnePlus 7 Pro зўр HDR10+ ли, OLED - дисплей билан жиҳозланган. DisplayMatе деб номланган сайт мутахасислари смартфоннинг дисплейли дунёда энг яхшилардан бири эканлигини такидлаб ўтишди. Шунингдек, смартфон DxOMark ТОП рейтингига киришга мувафақ бўлди, бу ўз навбатида, мобил қурилманинг камералари сўзсиз яхши эканлигидан далолат беради.
Asus Zenfone 6
Тайваньлик Asus ишлаб чиқарувчи компанияси ҳам бу йили барчани ҳайратда қолдирди. Улар унчалик қиммат бўлмаган, замонавий Snapdragon 855 процессорига ва 5000 мАч ҳамжмли батареяга эга бўлган флагманни тақдим этишди. Бошқа флагманлар ўртасида, бу энг автоном телефонлардан бири, у 36 соат ва 22 дақиқа суҳбат режимида ишлай олади. 200 кандела квадрат метр ёрқинликда смартфон бир заряднинг ўзида 16 соат видео томоша қилиш мумкин.
Аммо телефоннинг энг муҳим ўзига ҳослиги бу 180 градусга буриладиган маҳсус жойда жойлашган орқа камерасидадир. Яъни ушбу мобил қурилманинг одатий олди камераси йўқ, унинг ўрнига унда айланадиган орқа камера мавжуд, бу камералар эса ҳар қандай олд камерадан устундир. Айнан шунинг учун телефон DxOMark нинг “энг яхши олд камера” йўналиши бўйича рейтингни биринчи ўрнини эгалади.
Samsung Galaxy Fold
Бу йили Samsung нафақат доимгидак galaxy S туркумидаги телефонларни балки Samsung Galaxy Fold деб номланган букилувчан дисплейга эга қурилмани тақдим этди. Қурилма оддий смартфонга ўҳшаб кетади ва чўнтакга мос келади лекин қурилма очилиши билан ни планшет кўринишига келтириш мумкин.
Galaxy Fold 7 нанометрли процессор, 12 гигабайт оператив хотира ва 512гб «тезкор» ички хотира билан жихозланган. Galaxy Fold сотувга 26 апрел куни 2 минг долларлик нарх билан чиқиши керак эди. Аммо сотвудан олдинги синовлар пайтида қурилмаларнинг айрим носозликлари бўйича шикоятлар пайдо бўлди ва ушбу букланувчан экранлик қурилма сотувга чиқарилиши бир неча ойга қолдирилди.
Xiaomi Mi 9
Xiaomi эҳтимол миллионлаб инсонларнинг бугунги кунда энг севимли технология компаниясидир. Чунки ушбу компания паст нархларда жуда сфатли, замонавий ва энг яхши қурилмарни ишлаб чиқаради. Бу йили компания бизга Mi9 номли флагманини тақдим этди.
Ушбу телефонда деярли ҳеч қандай улкан ютуқлар йўқ. Xiaomi бошқа машхур брендларнинг маҳсулотлари билан моҳирона фойдалана оляпти холос, унда замонавий америка Qualcomm брендининг Snapdragon 855 замонавий процессори, Super Amoled-номли Samsung нинг дисплей матрицаси, Sony компаниясининг Quad-Bayer филтирлик 48 Мегапиксел ўлчамли энг яхши сенсорлари ўрнатилган. Xiaomi энг охирги ишлаб чиқарилган таркибий қисмларини арзон нархга эвазига ўз смартфонга жамлай олди. « Xiaomi » флагманининг энг ноёб хусусияти ҳам айнан шундан яъни нархининг арзонлиги иборатдир. Албатта, ушбу телефонларнинг сувдан ҳимояси, симсиз зарядлягичи, ҳамда камераларда оптик стабилизаторлари ҳам йўқдир, аммо ушбу флагман Антуту бенчмарк нинг энг кучли смартфонлар рейтингида ва DxOMarkнинг энг яхши фотокамералар ТОП рўйҳатига киришга муваффақ бўлди.