Завершана другая дзесяцідзёнка корманарыхтоўкі і падведзены вынікі працы механізатараў і вадзіцеляў, якія працуюць на “зялёным жніве”. Большасць пераможцаў у філіяле “Жодзішкі”. Менавіта туды і накіраваўся старшыня райкама прафсаюза работнікаў АПК Віталь Івашка і кіраўніцтва Смаргонскага КХП.
Перадавікам корманарыхтоўкі госці ўручылі падарункі і падзякавалі за працу. Як паведаміў дырэктар філіяла “Жодзішкі” Андрэй Янюк, травы першага ўкосу амаль што скошаны. На некаторых палетках па маладой атаве тэхніка пайшла ўжо ў другі раз. Але травы другога ўкосу пакуль што не радуюць. У глебе недастаткова вільгаці.
У філіяле “Жодзішкі” ўжо нарыхтавана 14 тысяч тон сенажу і 600 тон сена. Дзякуючы старанням аграрыяў гэта праца працягваецца хуткімі тэмпамі.
Станіслаў НАГОРСКІ – пераможца на падборы і здрабненні траў
Дырэктар філіяла “Жодзішкі” Андрэй ЯНЮК (справа) узнагароджвае Яўгена ЧАРНУШЭВІЧА
Аляксей ПІЛЬСЦЬ у ліку першых на падборы і здрабненні траў
Валерый МІКУЛІЧ, Уладзімір МАРОЗ, і Генадзь ДЗЯМІДАЎ – першыя на трамбоўцы
Таццяна ЧАРНЯЎСКАЯ.
Фота аўтара.