Блогын әдемі жүргізіп, аудиториясының назарын аударғандардың басты сұрағы бар - "бүгін не туралы жазам?"
⠀
Қызу талқыға түскен бір посттың идеясынан 5 не 10 жазба шығаруға болады десек, сенесіз бе?
Анау-мынау емес, оқылатын, қызық мәтін шығады 👍
⠀
Осы тәсілдің бірін ұсынамыз, лайк басып, коммент жазып, қолдай отырыңыздар.
⠀
✅ Мысалы, сіздің блогыңыз қарым-қатынас, тұлғалық даму туралы болсын. "Күйеудің көңілін табудың 5 тәсілі" деген тақырыптағы жазбаңыз қызу талқыланып, сақталып, лайк көп жинады делік. Тағы да нысанаға дөп тиіп, осындай қызық пост жазғыңыз келеді, қайтпек керек?
⠀
Енді "күйеу"-дің орнына "ене", "сырқат қайыната", "ерке қайынсіңлі", "ашулы бастық", "өкпешіл құрбы" деген сияқты сөздерді қолданып көріңіз.
⠀
Әрине, мұндай мазмұндас посттарды пулемет секілді бірінен кейін бірін жібермейсіз, арасына уақыт салып жариялау керек. Оқырмандар жалықпас үшін. Контент-план керек деп шырылдайтынымыздың бір себебі - осы.
⠀
✅Тағы бір мысал. Ми жұмысын жақсартуға арналған жаттығу туралы қызық пост жаздыңыз. Жаңа жазбалар тақырыбы, шамамен, былай:
▶️Есте сақтау қабілетін арттыратын жаттығу;
▶️Эмоциялық интеллектті арттыратын жаттығу;
▶️Ми тынықтыратын жаттығу.
Яғни, негіз ретінде тақырыпты алып, жан-жақтан, түрлі ракурстан жазасыз.
⠀
✅Саяхат туралы сериялы жазба жіберіп, өте қызық контент жасауға болады. Мейлі, бұрынғы болса да, естеліктер мен тәжірбие әрқашан оқылады.
"Стамбулда жеген ең дәмді 3 тамақ", "Стамбулда болған 5 қызық оқиға", "... ең көрікті 5 орны", "... ұнамаған 4 тұсы" сияқты майда-майда тақырыптардан ауқымды мәтін шығарасыз.
⠀
Тап қазір біздің "Суперкопирайтер" курсымыз жүріп жатыр. Ал, ертең желілік бизнес иелеріне арналған марафонымызды бастаймыз. Тіркеліп үлгересіз.
⠀
✅Енді өте пайдалы интерактив.
1. Блогыңыздағы мықты өтті деген ең қызық постыңыздың тақырыбын жазыңыз;
2. Басқа комменттегі тақырыпқа тағы 3 пост нұсқасын ұсынып көріңіз;
3. Белсенді болсаңыз, бірнеше жаңа постқа тақырып жиып аласыз.
4. Ұнаған нұсқаларға рақмет айтыңыз 😊
5. Сәттілік!
