Aziz bekajonlar bunday go'zal va nozik, qolaversa juda ham mazali tort bilan o'zingizni va yaqinlaringizni erkalatishingizni taklif qilaman. Tayyorlanishi juda ham oson bo'lgan mazali tort har qanday dasturxondan o'zining yorqin o'rnini egallab, dasturxon davrasidagilarda ajoyib ta'asurot qoldiradi. Tort retseptini albatta saqlab qoling va sinab ko'ring!
Kerakli masalliqlar:
- 3 dona tuxum
- 4 osh qoshiq shakar (75 gramm)
- 1 chimdim tuz
- 100 gramm un
- 2 dona tuksiz shaftoli (125 gramm)
- 250 gramm qulupnay, chernika
- 100 gramm saryog'li pishloq (0,2%)
- 100 gramm vanilinli yogurt (1,5%)
- 1 dona laym
- 3 varoq jelatin
- 200 ml olma sharbati
Tayyorlash usuli:
1. Tuxum, shakar va tuzni 5-7 daqiqa davomida, mikser yordamida ko'pirtiring. Bir xil konsistensiyali, yengil massa holiga qadar.
2. Unni soling va extiyotkorlik bilan pastdan yuqoriga harakatlangan holda aralashtiring.
3. Yumaloq shakldagi pishirish qolipiga pergament qog'ozi yozing. Xamirni quying va qolipni silkiting. 180 darajada qizdirilgan pechda, 20 daqiqa davomida pishiring.
4. Bu vaqt mobaynida shaftolini va qulupnoyni yuving. Tozalang va yupqa, bo'laklarga bo'ling. Chernika mevasini yuving va quriting. Chernika o'rmon mevasi o'rniga malinadan foydalanish ham mumkin.
5. Tayyor bo'lgan biskvitni qolipda sovuting. Saryog'li pishloq va yogurtni birlashtiring, bir xil massa hosil bo'lgunga qadar aralashtiring. So'ng, sovugan biskvit bo'ylab, yoyib soling.
6. Laymni qaynoq suvda yuving va po'stini qirg'ichdan chiqaring. Tayyorlangan mevalarni laym po'sti bilan aralashtiring va krem ustidan terib chiqgandek soling.
7. Jelatinni sovuq suvda uyuting. Shishib chiqgandan so'ng, 2 osh qoshiq olma sharbati bilan birlashtirib, isiting. Qolgan olma sharbati bilan aralashtiring.
8. Jelatinli aralashma qattiqlashishni boshlashi bilan mevalar ustidan quying. Tortni 90 daqiqaga muzlatgichga joylang. So'ng, qolipdan ajrating va issiq pichoq bilan kesing. Mevali tort tayyor!
Yoqimli ishtaxa!