Tuzlangan baliq va tuxum kombinatsiyasi ya'ni bir-biri bilan kirishishi kulinariyaning klassik birikmalaridan biri hisoblanadi. Bekajonlar e'tiboringizga esa juda ham ajoyib va shu bilan birga mazali salat retseptini taqdim etaman. Salatning tayyorlanishi oddiy. Ushbu salat har qanday dasturxondan o'zining yorqin o'rnini egallaydi.
Kerakli masalliqlar:
- 50-100 gramm salat bargi (miks)
- 1 dona tuxum
- 50-100 gramm tuzlangan baliq (losos, semga, forel)
- 2 dona qizil va yashil bulg'or qalampiri
- 1 dona kichik piyoz
- 5-6 dona oq baton noni bo'lagi
- 3 osh qoshiq zaytun yog'i (zapravka uchun)
- 1 osh qoshiq balzamli sirka (zapravka uchun)
- 1/2 choy qoshiq xantal (zapravka uchun)
- 1/4 choy qoshiq limon sharbati
- ta'bga ko'ra tuz va murch
- 3 osh qoshiq sirka (shalot tuxumi uchun)
Tayyorlash usuli:
1. Qizil va yashil bulg'or qalampirini somoncha shaklda to'rg'ang.
2. Piyozni yupqa, halqa shaklida to'rg'ang.
3. Qizil baliqni o'rtacha hajmda bo'laklarga bo'ling.
4. Oq baton noni bo'laklarini yog' surtib, qizdirilgan tovada qovurib oling. Albatta bu sizning hohishingizga ko'ra.
5. Zapravkani tayyorlang! Buning uchun: zaytun yog'i, balzamli sirka, xantal va limon sharbatini birlashtiring.
6. Ta'bga ko'ra tuz va murch solib, yaxshilab aralashtiring.
7. Diqqatingizni jamlang. Asosiy bosqichga yetib keldik. Kastryulkada qaynab turgan suvga sirkani quying va olovni pasaytiring. Idishga solingan tuxumni nozik oqimda quying va 3 daqiqa davomida tayyorlang. So'ng, suvdan oling.
8. Salat tortiladigan idishga yuvib, quritilgan salat barglarini soling. Piyoz, bulg'or qalampiri va qizil baliq bo'laklarini soling. Zapravkadan quying. Ustki qismga pashot tuxumini qo'ying, tuz va murch seping. Salatni baton noni bo'laklari bilan dasturxonga torting.
Yoqimli ishtaxa!